«Memleket basshysynyń Ishki ister mınıstrliginiń «Halyq únine qulaq asatyn memleket» tujyrymdamasyn ázirleý tapsyrmasy negizinde «Kilemdi jabyn» jobasy qolǵa alyndy. Bul óńirlik jedel basqarý ortalyqtarynyń beınebaqylaý júıesine bógde beınekameralardy ıntegrasııalaýǵa baǵyttalǵan. Qazir elimiz boıynsha ártúrli menshik nysanyndaǵy 687 myńnan astam beınebaqylaý kamerasy bar. Olardyń 145 myńǵa jýyǵy aýmaqtyq bólimshelerdiń jedel basqarý ortalyqtaryna engizilgen», dedi IIM ókili onlaın brıfıngide.
Sondaı-aq ol salany sıfrlandyrý aıasynda «Jappaı beınebaqylaý» jáne «Sıfrlyq polıseı» jobalary qolǵa alynǵanyn jetkizdi.
«Qazir polısııanyń qyzmettik kabınetteri men arnaıy mekemelerde 18 myńnan astam beınekamera ornatylǵan. «Sıfrlyq polıseı» - polısııa qyzmetkerlerin oqıǵalardy onlaın translıasııalaý arqyly beınetirkegishtermen jáne quqyq qorǵaý organdarynyń arnaıy derekqorlary men aqparattyq júıelerine qosylǵan planshettik qurylǵylarmen jaraqtandyrý. Búginde syrtqy qyzmet polıseıleri 100% qyzmettik planshetpen jabdyqtalǵan. Onlaın translıasııasy bar beınetirkegishti jáne GPS baqylaýdy engizý jobasy aprobasııa satysynda jáne 150 beınetirkegishte testilik rejımde jumys isteıdi», dedi Ádil Sársenov.
