«Qazaqstan Respýblıkasy aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń sheshimine sáıkes 2022 jylǵy 8 naýryzdan bastap katarlyq «Qatar Airways» áýe kompanııasy Doha - Almaty - Doha baǵyty boıynsha reıster sanyn aptasyna 2-den 3 reıske deıin jáne 2022 jylǵy 19 naýryzdan aptasyna 3 reısten 4 reıske deıin arttyrýdy josparlap otyr», delingen habarlamada.
Reıster A320 tıpti áýe kemesinde dúısenbi, sársenbi, juma jáne jeksenbi kúnderi sanıtarlyq-epıdemıologııalyq talaptardy qatań saqtaı otyryp jáne áýekompanııa saıtynda jarııalanǵan kestege sáıkes oryndalatyn bolady.
Osy baǵyt boıynsha reısterdiń ulǵaıýy saýda-ekonomıkalyq yntymaqtastyqty, týrızm men elder arasyndaǵy iskerlik áriptestikti damytýǵa, sondaı-aq Qazaqstannyń ınvestısııalyq tartymdylyǵyn arttyrýǵa yqpal etedi.
