Qazaq halqy keshegi qıyn-qystaý zamanda ózge etnos ókilderiniń basyna túsken aýyrtpalyqty qaıyspaı birge kótere bildi. Bul búgingi tańda elimizdegi túrli etnos ókilderiniń arasynda adamgershilik qarym-qatynastyń ónegeli ólshemine aınaldy. Bútin nanyn bólip berip, úıiniń tórin usyndy. Eshkimdi de ózge dep ógeısinbeı, baýyryna basqan bolatyn. Sondyqtan da biz, ózge etnos ókilderi qazaq halqyna alǵysymyzdy aıtamyz. Qazaq halqynyń jeri qandaı keń bolsa, peıili de sondaı darhan.
Búginde búkil álemniń Qazaqstannan úlgi alýyna bolady. Sebebi dostyǵy men birligi myqty el qashanda daralanyp turady. Qazaqstan jerinde ómir súrip jatqanyn maqtan tutatyn etnostyń biri – bizder. Bul merekeni toılaý barysynda óskeleń urpaǵymyzǵa dostyq, bir-birine degen qurmet pen syılastyq elimizdiń basty baılyǵy ekenin uǵyndyrý kerek. Adamzat balasyn ózara jaqyndastyratyn qundy qasıet – onyń adamgershiligi. Adamgershiligi myqty jannyń árkezde de ózgelerge kómektesip, alǵys alatyny anyq. Biz alǵys aıtý arqyly aramyzdaǵy dostyqty nyǵaıta beremiz dep oılaımyn.
Qazaqstan – meniń óz elim. Men óz elimde erkin ómir súrip jatqanym úshin qazaq halqyna alǵys bildiremin! Sondaı-aq, meni bar meıirimimen tárbıelegen ata-anama alǵys aıtamyn! Basty baılyǵym – balalaryma, birge jumys istep kele jatqan áriptesterime de alǵys deımin! Jalpy, tek Alǵys aıtý kúni ǵana emes, árdaıym bir-birimizge kómektesip, bir-birimizge alǵys aıtyp, alǵysqa bólenip júreıik dep tileımin!
Dınara NURALIEVA,
Taraz qalasyndaǵy №34 mekteptiń dırektory, «Vynhýa» dúńgen etnomádenı birlestiginiń belsendi múshesi
Jambyl oblysy
