Ekologııany jaqsartý – «ArselorMıttal Temirtaý» nazarynda

Negizinen, qaldyqtardyń kóbi ag­lo­me­­rasııalyq óndiriske tıesili. «Arse­­lor Mıttal Temirtaý» AQ ekologııa jó­nindegi dırektory Madına Qýan­taevanyń aıtýynsha, zııandy shyǵa­ryndylardy azaıtý úshin tazartý qu­ry­lystaryn qaıta jańartý júrgi­zilý­de. Mysaly, aglomerat korpýsy boıynsha joba 100% oryndaldy. Ekolo­gııa­lyq áser – 2021 jyldyń ekinshi jarty­jyl­dyǵynda nysan engizilgen sátten bas­tap shań shyǵaryndylaryn 200 tonnaǵa azaıtý.

Tazartý qurylystary birqatar nysan da jańǵyrtylǵan. №5 aglomerasııada elektrsúzgishti ornatý esebinen shań shyǵaryndylary aldyńǵy osyndaı kezeńmen salystyrǵanda 500 tonnaǵa tómendedi. Osyǵan uqsas qondyrǵylar taǵy eki aglomerasııada salynady. Son­daı-aq gazoanalıtıkalyq jabdyqtar tolyq ornatylǵan.

Sonymen qatar elektr súzgileri ák­tasty kúıdirý sehyna ornatylady. Av­tomatty monıtorıng quraldary gaz ben shań shyǵaryndylary týraly derekterdi tirkeıdi.

Qazandyq sehtaryndaǵy kúrdeli jáne aǵymdaǵy jóndeýlerdi oryndaý ese­binen shańnyń 300 tonnadan asa tómen­deýi sekildi ekologııalyq áseri baıqalǵan.

Madına Qýantaeva kompanııanyń basqa bólimshelerindegi ekologııalyq jobalar týraly da aıtyp berdi. Koks-hımııa óndirisinde tútin qubyry, 242 gaz shyǵaratyn kótergish jáne basqa qu­rylymdar aýystyryldy. Qazirgi ýa­qyt­ta koks gazyn tazartý júıesi men ta­zartý qondyrǵylaryn qaıta qurý ju­mystary júrgizilýde. Hımııalyq ónim­de­rdi aýlaıtyn jańa seh salynady.

Bul rette 2020 jylmen salys­tyr­ǵanda lastaýshy zattardyń jalpy shyǵaryndysynyń 2 300 tonnaǵa tó­mendeýi kezinde óndiristik ekologııa­lyq baqylaý nátıjeleri boıynsha kásip­orynnyń ónimdiligi artty. Bul 2021 jyly oryndalǵan is-sharalar tıimdi­li­gi­niń jaqsy kórsetkishi.

Bıyl koks sehynyń aspırasııalyq qondyrǵylaryn, vagon aýdarǵyshtardyń shań tazalaý jabdyqtaryn qaıta qurý boıynsha jobalar josparlanǵan. Kom­­panııa koks gazyn kúkirtsýtekten tazar­tý­dyń tolyq sıklyn engizý týraly she­shim qabyldady.

Domnalyq óndiristi jańǵyrtý bo­ıynsha iri joba kózdelgen. Ony iske asyrý 2024 jylǵa belgilengen. Jańartý energetıkalyq óndiriste de júrgiziledi.

«Tabıǵı gazdy paıdalanýǵa kóshý – mańyzdy aspekt. Bul salada jobalaý jumystary júrgizilýde. Kompanııanyń bolat departamentine osy maqsatqa 300 mln tekshe metr tabıǵı gaz bólindi. Gaz qubyryn iske qosý 2022 jyldyń tórtinshi toqsanyna josparlanǵan. Gaz JEO-BÚS, TMIS-1 jáne domna sehyna beriledi, gazǵa kóshý nysandarda kezeń-kezeńimen júrgiziledi», dep túsindirdi kompanııanyń ekologııa jónindegi dırektory M.Qýantaeva.

Kompanııa Temirtaýdy kógaldan­dyrýǵa da qatysady. Kombınat aýma­ǵynda 5 myńnan astam aǵash, qalanyń ortalyq dańǵyldarynyń biri – Metal­lýrgter dańǵylynda 6 myńǵa jýyq aǵash otyrǵyzyldy. «ArselorMıttal Temirtaý» AQ «Jasyl beldeý» aksııasy aıasynda uıymdar men ekoeriktilerge 3myńnan astam kóshet usyndy.

Kásiporynnyń sanıtarlyq-qorǵaý aımaǵynyń shekarasyndaǵy aýa sapasy týraly aqparat ashyq túrde jarııalanady. Atmosferalyq aýanyń jaǵdaıy týraly málimetter «ArselorMıttal Temirtaý» saıtynda bar, sondaı-aq metallýrgııa kombınatynyń ortalyq ótkeli aldyndaǵy monıtorda kórsetiledi.