Kezdesýde DDU-nyń Almatydaǵy MSAK jónindegi keńsesiniń qyzmetin jandandyrý jáne medısınalyq-sanıtarlyq alǵashqy kómek týraly Astana deklarasııasyn, sondaı-aq BUU Bas Assambleıasy deńgeıinde ilgeriletý jónindegi josparlar talqylandy.
Densaýlyq saqtaý mınıstrliginiń basshysy deklarasııada medısınalyq-sanıtarlyq alǵashqy kómek Densaýlyq saqtaý qyzmetterimen jappaı qamtýǵa jáne turaqty damý salasyndaǵy densaýlyqqa baılanysty maqsattarǵa qol jetkizý úshin qajetti turaqty Densaýlyq saqtaý júıesiniń irgetasy bolyp aıqyndalǵanyn atap ótti.
«Osyǵan baılanysty biz densaýlyq saqtaý salasynyń eki mańyzdy termınin, medısınalyq-sanıtarlyq alǵashqy kómekti jáne densaýlyq saqtaý qyzmetterimen jappaı qamtýdy biriktirýdi, 2023 jyly BUU Bas Assambleıasy barysynda densaýlyq saqtaý qyzmetterimen jappaı qamtý boıynsha joǵary deńgeıdegi otyrys qarsańynda BUU deńgeıinde densaýlyq saqtaýdyń birlesken kún tártibin ilgeriletýdi jalǵastyrýdy usynamyz», dedi A.Ǵınııat.
Bul bastama 2022 jyly BUU Bas Assambleıasy deńgeıinde «Medısınalyq-sanıtarlyq alǵashqy kómekti kúsheıtý arqyly densaýlyq saqtaý qyzmetterimen jappaı qamtýǵa qol jetkizý» taqyrybyna saıd-ıvent uıymdastyrýdy jáne ótkizýdi qamtıdy.
Sondaı-aq taraptar Qazaqstandaǵy MSAK damytý máseleleri boıynsha yntymaqtastyqty, qazaqstandyq medısına mamandaryna oqytý júrgizýdi, sonymen qatar elimizde MSAK qoljetimdiligi men tıimdiligin baǵalaý boıynsha ındıkatorlardy ázirleýdi talqylady.
Densaýlyq saqtaý mınıstri DDU-nyń MSAK jónindegi Eýropalyq ortalyǵy keńsesiniń basshysyna ózara is-qımyldy jandandyrǵany úshin alǵys aıtyp, qazaqstandyq MSAK mamandaryn odan ári tabysty oqytýdy jalǵastyrýǵa jáne MSAK máselelerinde, onyń ishinde aýyldyq deńgeıde de tehnıkalyq jáne saraptamalyq qoldaý kórsetýge múddelilik bildirdi.
Sonymen qatar kezdesý barysynda DDU Eýropalyq bıýrosynyń dırektory Hans Klıýgeniń bıylǵy naýryz aıynda Qazaqstanǵa saparyn uıymdastyrý máselesi pysyqtaldy. Bul sapardyń mańyzdy aspektisi – 2022-2023 jyldarǵa arnalǵan yntymaqtastyq týraly eki jyldyq kelisimge qol qoıý.
