3-4 naýryz kúnderi Birikken Ulttar Uıymynyń, sondaı-aq Ortalyq Azııa elderiniń ókilderi ózara Terrorızmge qarsy yntymaqtastyqtyń nátıjelerin baǵalaý máselelerin talqylady.
Qazaqstandyq delegasııa quramynda AQDM Din isteri komıteti tóraǵasynyń orynbasary Baýyrjan Bakırov qatysty.
B.Bakırov mınıstrliktiń din salasyndaǵy iske asyryp jatqan memlekettik saıasaty týraly baıandama jasap, otandyq zańnamamen, ekstremızm men terrorızmge qarsy is-qımyl jónindegi memlekettik baǵdarlamalarmen, sondaı-aq dinı ekstremızm men terrorızmniń aldyn alý jónindegi jumystardyń negizgi baǵyttarymen tanystyrdy.
Is-sharada buryn qoldanysta bolǵan birlesken is-qımyl jospary sheńberindegi 10 jyldyq yntymaqtastyqtyń qorytyndylary shyǵarylyp, terrorızmge qarsy kúres salasyndaǵy óńirlik jáne halyqaralyq yntymaqtastyq perspektıvalarynyń aǵymdaǵy jáne bolashaq úrdisteri talqylandy.
Konferensııa sońynda Ortalyq Azııada Jahandyq terrorızmge qarsy strategııany iske asyrý jónindegi birlesken is-qımyl jospary usynylyp, maquldandy, sondaı-aq «Tashkent deklarasııasy» qabyldandy.
