Prezıdent • 07 Naýryz, 2022

Prezıdent Ýkraınadaǵy qazaqstandyqtardy evakýasııalaý jumysyn jiti qadaǵalaýda - Berik Ýálı

350 ret

kórsetildi

1 mın

oqý úshin

Prezıdent Qasym-Jomart Toqaev Syrtqy ister mınıstrligi men basqa da vedomstvolardyń Ýkraınadaǵy Qazaqstan azamattaryn evakýasııalaý jónindegi jumysyn jiti qadaǵalap otyr, dep habarlaıdy Egemen.kz. Prezıdenttiń baspasóz hatshysy Berik Ýálıdiń Facebook paraqshasyna silteme jasap.

Arman MANARBEKULY

Prezıdent Ýkraınadaǵy qazaqstandyqtardy evakýasııalaý jumysyn jiti qadaǵalaýda - Berik Ýálı

«Memleket basshysy bul baǵyttaǵy jumystardy oń baǵalady. Áskerı is-qımyldar bastalǵaly beri 553 otandasymyzǵa kómek kórsetilip, onyń 432-si elimizge aman-esen jetkizildi. Azamattardyń kópshiligi qutqarý sharalary úshin Prezıdentke alǵys aıtyp jatyr.

Dıplomatııalyq vedomstvonyń Ýkraınadan el azamattaryn evakýasııalaý jumystary jalǵasýda. Búgin Memleket basshysy Qazaqstan azamattaryn osy elden alyp shyǵýǵa atsalysqan dıplomattardy, qurmetti konsýldardy, basqa da vedomstvo qyzmetkerlerin memlekettik nagradalarmen marapattaý úshin Syrtqy ister mınıstri Muhtar Tileýberdi men Qazaqstannyń Ýkraınadaǵy elshisi Darhan Káletaevqa usynystar ázirleýdi tapsyrdy», delingen habarlamada.