Ikomek qalalyq shuǵyl qyzmeti taratqan málimetke sensek, 7 naýryz kúni saǵat 14.20-dan bastap Nur-Sultannan shyǵatyn birqatar respýblıkalyq joldar jabylady.
Naqtylap aıtqanda, «Ekaterınbýrg - Almaty» jolynyń 917-1247 shaqyrym aralyǵynda, «Nur-Sultan - Jaqsy aýyly» ýchaskesinde kóliktiń barlyq túriniń júrýine tyıym salynǵan.
Sonymen qatar saǵat 15.00-den bastap «Nur-Sultan - Petropavl» jolynyń 18-231 shaqyrymdarynyń aralyǵynda, «Nur-Sultan - Shýchınsk» ýchaskesinde kóliktiń barlyq túrleriniń qozǵalysyna shekteý qoıyldy.
Munyń aldynda astanadan búkil baǵytta jol ashylǵany habarlanǵan bolatyn.
