Bala tárbıeshisi bolý – baqyt

Ol mektepke deıingi jas­taǵy barlyq balanyń aqyl-oı tárbıesine basa mán berip, onyń ózindik ádistemesin jasap, búginde tájirıbege engizip otyr. О́zi de sanaly túrde bala tárbıeshisi bolýdy tańdap, mamandyǵyna adaldyq tanytyp keledi. Urpaq tárbıesiniń mańyzdylyǵyn birinshi jolǵa qoıǵan maman on eki jyldan beri bir salada eńbek etýde. Elimizdiń ál-Farabı, Abaı Qunanbaıuly, Júsipbek Aı­maýytov jáne ózge de tarıhı tulǵalardyń bala tárbıesi týraly ózekti oılaryn negizgi temirqazyq etip alyp, júıeli jumys júrgizýde.

Joǵary sanatty tárbıeshi óz sózinde aqyl-oıdyń damýy balanyń jasy men táji­rı­besiniń molaıýyna baı­la­nys­ty ekenin de atap ótti. Onyń aıtýynsha, túrli tár­bıe­lik quraldardyń áseri­ne baı­lanysty balanyń oılaý áre­ketinde paıda bolatyn san jáne sapalyq ózgeristerdiń jıyntyǵy da aqyl-oıdyń damýyna áser etedi.

Sonymen qatar Aınur Bekbolatqyzy sensorlyq tárbıe týraly da óz oıyn aıtty. Bul baǵyttaǵy birqatar tájirıbesimen bólisti.

«Bul – túısik pen qabyl­daýdyń durys baǵytta damýy. Balanyń sensorlyq proses­teriniń damýyna múmkindik týdyratyn is-árekettiń tıimdi túri – kórkem sýret salý, saz­balshyqtan jáne ermeksazdan túrli músinder jasaý, salynǵan sýretterdi, órnek­t­erdi qıyp, jelimdeý áreket­teri, birlesken dıdak­tı­kalyq oıyndar. Bul pedago­gı­ka­lyq basshylyqpen uıymdas­ty­rylǵan is-áreket bolyp esepteledi. Aqyl-oı tár­bıesi aınaladaǵy tirshilik quby­lys­tary jaıly balaǵa durys túsi­nik qalyptastyrýǵa jáne ta­nymdyq-psıhıkalyq pro­ses­terdi damytýǵa basa mán beredi», deıdi tárbıeshi óz sózinde.

A.Qojamqulovanyń bul salada jetken jetistik­teri de az emes. Center of Excellen­ce NIS Nazarbayev Intellectual Schools boıynsha «Qa­shyq­tan oqýdy úıre­nemin» taqyryby aıasynda 40 saǵat kólemin rastaıtyn sertıfıkatpen marapat­tal­ǵan. Sondaı-aq Nur-Sultan qalasynda ótken «Kúz mezgi­liniń qyzyqty oqıǵalar qa­maly» II respýblıkalyq baı­qaýynda «Sýret salý» nomınasııasy boıynsha júldeger daıyndaǵany úshin I dárejeli dıplom alǵan. Budan ózge de baıqaýlarda bala tárbıesi týraly ádistemesimen top jaryp, júldeger atanyp júrgen Aınur Bekbolatqyzynyń «Qulpynaı» kishi tobyndaǵy shákirtteri de bıik belesterden kórinýde. Máselen, ótken jyly Nur-Sultan qalasyn­da ótken III Respýblıka­­lyq «Qys tynysy» baıqaýyn­da «Sýret salý» atalymy boıynsha Mıras Joldy­han 1-oryn­dy jeńip alsa, «Meniń súıikti balabaq­sham» atty balalardyń onlaın shyǵar­mashylyq baıqaýynda «Men bolashaq ǵalymmyn» nomınasııasy boıynsha Nursaıa Týleeva I dárejeli dıplommen marapattalǵan. Qazirgi kezde de kóptegen shákirt tárbıelep keledi.

Balalardyń aqyl-oı tár­bıesin qalyptastyrýdy birin­shi orynǵa qoıyp, sol turǵyda talmaı eńbek etip kele jatqan bilikti maman árdaıym óz bilgenin jas tárbıeshilerge úıre­týden jalyqpaıdy. Bala tárbıeshisi bolýdy baqyt dep bilgen Aınur Bekbo­lat­qyzy eńbek etpeı, bıik nátı­jelerge jetý múmkin emes ekenin, munyń túp negizi jaýap­ker­shilikte jatqanyn aıtady.

«Tárbıeshi degen jas urpaqtyń boıyna tárbıeniń alǵashqy negizderin qalyptas­tyra alatyn adamgershiligi joǵary, mádenıet pen ǵylym jetistikterin durys baǵalaı alatyn, ádebıet pen ónerdiń, tehnıkanyń damý jaǵdaıyn biletin jáne ony balalar­ǵa túsindire alatyn adam bolýy kerek. Tárbıeshiniń bo­ıynda bolatyn aqyldylyq, mádenıettilik, kásibı sheber­lik, tártiptilik pen balalarǵa degen súıispenshilik tárbıe­lenýshilerge árdaıym úlgi bolýy kerek dep oılaımyn», deıdi A.Qojamqulova.

Jambyl oblysy