Beligili bolǵandaı, elordalyq tutynýshylardyń ótinishteri negizinde, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha departamenti «Astanaenergosbyt» JShS-na qatysty Qazaqstan Respýblıkasynyń Kásipkerlik kodeksi talaptarynyń saqtalýyna qatysty jospardan tys tekserý júrgizgen bolatyn.
Jospardan tys tekserý barysynda Qazaqstan Respýblıkasynyń Kásipkerlik kodeksiniń normalaryn buzý faktileri anyqtaldy.
Osylaısha, «Astanaenergosbyt» JShS 2021 jylǵy qarasha, jeltoqsan aılarynda jáne 2022 jylǵy qańtar aıynda tutynýshylarǵa Elektr energııasyn paıdalaný qaǵıdalarynyń 64-tarmaǵyna sáıkes ortasha táýliktik esepteý boıynsha kórsetkishter qoıǵan (Qazaqstan Respýblıkasy Energetıka mınıstriniń 2015 jylǵy 25 aqpandaǵy № 143 buıryǵymen bekitilgen).
Al, Qazaqstan Respýblıkasynyń Azamattyq kodeksi, «Elektr energetıkasy týraly» QR Zańy jáne Turmystyq tutynýshylarǵa arnalǵan elektrmen jabdyqtaýdyń úlgilik sharty tutynýshylardyń tutynylǵan elektr energııasy úshin aqy tóleýi kommersııalyq esepke alý aspaptarynyń naqty kórsetkishteri negizinde júrgiziletinin aıtady.
Nátıjesinde, «Astanaenergosbyt» JShS-ǵa qatysty Qazaqstan Respýblıkasynyń ákimshilik quqyq buzýshylyq týraly kodeksiniń 167-baby boıynsha, 6 126 000 teńge kóleminde aıyppul qarastyrylǵan ákimshilik quqyq buzýshylyq týraly hattama toltyryldy.
Sonymen qatar TMRKD Qazaqstan Respýblıkasynyń zańnamasyn buzýshylyqtardy joıý týraly oryndalýy mindetti nusqama shyǵardy, onda elektr energııasyn kommersııalyq esepke alý aspaptarynyń naqty kórsetkishteri boıynsha tutynýshylarǵa qaıta esepteý júrgizý kózdelgen.
Alaıda «Astanaenergosbyt» JShS ákimshilik quqyq buzýshylyq týraly hattamamen kelispeı, materıaldardy Nur-Sultan qalasynyń Ákimshilik quqyq buzýshylyq jónindegi mamandandyrylǵan aýdanaralyq sotyna qaraýǵa berý týraly ótinish jasady.
Budan basqa, Qazaqstan Respýblıkasynyń zańnamasyn buzýshylyqtardy joıý týraly Departament shyǵarǵan nusqamaǵa Qazaqstan Respýblıkasynyń Ákimshilik rásimdik-prosestik kodeksine sáıkes, joǵary turǵan organǵa shaǵym jasaldy.
