Aqtóbe oblystyq ekologııa basqarmasynyń basshysy Nurjan Aqqul kásipkerden 400 myń teńge kóleminde para aldy.
«Nurjan Aqqulǵa qatysty qylmystyq is qozǵaldy. О́tken jyldyń jeltoqsan aıynda ol kásipkerden 400 myń teńge bopsalap alǵan. Qazirgi ýaqytta tergeý jumystary júrgizilip jatyr. Ol óz kinásin moıyndady. Aqtóbe oblystyq ekologııa departamenti tikeleı mınıstrlikke baǵynady. Sondyqtan oblys ákiminiń orynbasarlarynan eshkim jaýapkershilikke tartylmaıdy», dep túsindirdi oblys ákiminiń birinshi orynbasary Rýslan Hambarov.
Aıta ketsek, Nurjan Aqqul 2014-2020 jyldar aralyǵynda Aqtóbe oblystyq tabıǵı resýrstar jáne tabıǵatty paıdalanýdy retteý basqarmasyn basqaryp, 2020 jyldyń sáýir aıynan bastap oblystyq ekologııa departamentiniń basshysy qyzmetin atqaryp kelgen.
