Atalǵan baıqaýda Berlın jáne Kann syndy basqa da álemdegi bedeldi festıvalderde júldelerge ıe bolǵan fılmder usynylady. Eske salaıyq, QR Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen «Muqaǵalı» fılmi qazaqtyń aqıyq aqyny Muqaǵalı Maqataev ómiriniń sońǵy jyldary týraly baıandaıdy.
Fılmniń álemdik tusaýkeseri Tallındegi «A» sanatyndaǵy 25-shi Halyqaralyq «Temnye nochı» (PÖFF) kınofestıvali sheńberinde ótti. Baıqaýdyń negizgi baǵdarlamasyna qatysqan otandyq kınotýyndy ekýmenıkalyq qazylar alqasynyń arnaıy júldesine ıe boldy.
Byltyr qazan aıynda bıografııalyq drama elimizde prokatqa shyǵyp, kórermenniń ystyq yqylasyna ıe bolǵan. Kerala halyqaralyq kınofestıvali Úndistanda ótetin eń iri ári bedeldi baıqaýlardyń biri.
Mádenı is-shara Kerala shtatynyń mádenıet departamenti uıymdastyrýymen jyl saıyn jeltoqsan aıynda ótkiziledi. Bıylǵy festıval Covid-19 pandemııasyna baılanysty naýryz aıyna aýystyrylyp, dástúrli formatta ótkiziletin bolady. Festıval sheńberinde barlyǵy 180 fılm kórsetiledi.
