Turǵyndar aıyrbastaý pýnkteri men bankterde qolma-qol dollar men valıýtalyq depozıtten qarajat alý múmkin emes ekenin aıtyp shaǵymdanýda.
«Aıyrbastaý pýnkterinde jáne ekinshi deńgeıli bankterde qolma-qol dollardy satýǵa nemese shyǵaryp alýǵa shekteý qoıýǵa qatysty kóp saýal tústi. Ulttyq bank sheteldik valıýtadaǵy operasııalarǵa shekteý engizý týraly qaýly nemese basqa da zańda táýeldi aktiler qabyldamaǵanyn habarlaıdy», dep jazylǵan aqparatta.
Ulttyq banktyń málimetinshe, qolma-qol shetel valıýtasyn berýde týyndaǵan qıyndyqtar, birinshi kezekte, halyq tarapynan suranystyń artýymen, sondaı-aq shıelenisken geosaıası jaǵdaı aıasynda Qazaqstanǵa basqa elderden qolma-qol shetel valıýtasyn jetkizýdegi logıstıkalyq qıyndyqtarmen baılanysty.
Osy jaǵdaıdy eskere otyryp, Ulttyq bank Federaldy rezervtik júıeden – AQSh Ortalyq bankinen qolma-qol shetel valıýtasynyń qosymsha kólemin jetkizý máselesin belsendi túrde pysyqtaýda. Sondaı-aq dollar túrindegi qolma-qol aqshany ýaqtyly jetkizýdi qamtamasyz etý úshin kólik kompanııalarymen barlyq qajetti kelisimder bar ekenin habarlaımyz», dedi banktiń baspasóz qyzmeti.
