Bul jaıly eGov.kz portalynyń álemýettik jelidegi resmı paraqshalarynda «Mańyzdy aqparat!» aıdarymen málimet paıda boldy.
«14 naýryzdan bastap eGov.kz portalynyń paıdalanýshylary úshin logın/parol jáne bir rettik SMS arqyly kirý jeke-jeke qol jetimsiz bolady.
Endi eGov.kz portalyndaǵy derekter eki faktorly aýtentıfıkasııamen qorǵalady.
Olar:
• logın / JSN engizý;
• qupııasózdi engizý;
• mobıldi azamattar bazasynda tirkelgen telefon nómirine jiberiletin bir rettik SMS-kodty engizý arqyly kirýdi rastaý qajet. Osylaısha qaýipsizdiktiń joǵary deńgeıi qamtamasyz etiledi», - delingen habarlamada.
Atalǵan áreketterdi kompıýter arqyly qalaı iske asyrýǵa bolatyny týraly beıne-nusqaý da berilgen.
«Endi eGov portalyna kirý úshin paıdalanýshylar logın nemese JSN-di engizip, qupııa sózdi terý qajet. Telefon nómirine jibergen bir rettik SMS-kodty engizý arqyly kirýdi rastaý kerek. Osylaısha qaýipsizdiktiń joǵary deńgeıi qamtamasyz etiledi», - delingen beıne-nusqaýda.
