Robottehnıka – jańa zaman talaby

Robot tehnıkasy degenimiz – zııat­ker­lik avto­mat­tandyrylǵan tehnı­kalyq júıelerdi ázirleý jáne paıdalanýmen aınalysatyn qoldanbaly ǵylym. Jalpy, bul baǵdarlamanyń ózektiligi bilim berý júıesinde jaratylystaný ǵylymı baǵytynda oqý­shylarmen jumys isteý jáne oqý­­shylardyń oı-órisin damyta otyryp, ınjenerlik oılaý negizderiniń al­ǵy­sharttaryn qalyptastyrý dep oılaımyn.

2030 jylǵa qaraı adam sanasymen tepe-teń nanorobottar shyǵarylady degen jańalyq bar. Budan jasandy ıntellekttiń bolý múmkindigi jo­ǵa­ry ekenin kórip otyrmyz. Sebebi ro­bot­tarǵa kez kelgen máseleni taldaý jáne sheshim qabyldaý qabileti qajet. Zaman aǵymynan qalyp qoımaı robottehnıkany ózimiz de úırenip, sonymen birge oqýshylarymyzǵa da úıretýge de kirisip kettik.

Aqmola oblysy Selınograd aýda­ny Qoıandy aýylynyń №2 jalpy orta bilim beretin mektebiniń ınformatıka páni muǵalimderi atynan oqý­shy­la­ry­myzǵa robotteh­nı­ka­sy­nyń bazalyq jıyn­tyǵyn syı­­la­dyq. Osyndaı jabdyqtamalar kó­be­ıip, oqý­shylarymyzdyń múm­kin­dikteri arta berse nur ústine nur bo­lar edi.

Men «Robot tehnıkasy» bo­ıyn­sha kýrsty 2019 jyly sáýirde Nur-Sultan qalasynda oqydym. 2020 jyly qazannan bastap oqýshylarǵa beı­ne­rolıkterdi paıdalanyp, teo­rııa­ny úırete bas­ta­dym. Sebebi robottyń ózi bolmady. Oqý­shy­­lar bul sabaqqa yntaly bolyp, ózderi izdenip, ınternetten robottyń túr­le­rimen, onyń qoldanylý salalary týraly málimettermen tanysyp, bir-birimen bólisip otyrdy. Jospardaǵy robot­tardy jasap úırendi. Ony qurastyrý onsha qıyn emes, onyń baǵdarlamasyn jazyp, qu­ras­ty­r­ǵan robotty qozǵalysqa keltirý sál qıyn bo­la­­ty­nyn kórip bildi. Toptaǵy oqýshylardyń biri qu­rastyratyn robot túrin oılastyryp, oǵan qan­daı ­bólshekterdiń kerek ekenin anyqtap kelse, basqalary sol bólshekterdi qoldanýǵa yń­ǵaı­ly etip basqa bólshekterden aıyryp jınap be­redi, endi bireýleri úlgi boıynsha qurastyrýǵa kó­mek­te­sedi.

Robottehnıka baǵytynyń damý bolashaǵy zor. Robottehnıka negiz­de­rin oqyp-úırenýde birqatar jalpy bilim beretin pánderden bilimderin paıdalaný qajet. Robottehnıka oqý­shy­lardyń syn tur­ǵysynan oılaýyn damytýǵa jáne praktıkalyq tap­syrmalardy sheshe bilýge yqpal etedi. Sonymen qatar bul jastardy ǵylym, teh­nologııa, matematıka arqyly ja­ńa­shyldyqqa shabyttandyratyn, búgingi kúnniń máselelerin sheshý úshin óz daǵdylaryn qoldanýǵa, jaǵdaıdy taldaýǵa, shyǵarmashylyqpen oılaýǵa múmkindik beretin óte tartymdy bilim ortasy.

Robottehnıka sabaǵy fızıka, matematıka, ın­for­matıka pánderinen alynǵan bilimdi qajet etedi. Buǵan qosa til baılyǵy da kerek. Sebebi robottan ja­­rysqa qatys­qan oqýshy óz jobasyn qorǵap, óz oıyn ashyq jetkize bilý kerek.

Ro­bot tehnıkasyn oqytý balalar­dyń qor­shaǵan ortamen tyǵyz qarym-qatynas jasaı otyryp, shynaıy ómir problemalarymen shuǵyldana alatyn oqý ortasyn qalyptastyrady. Bul oraıda «Robot tehnıkasy» elektıvti kýrsy balalar úshin qu­ras­tyrýshylyq oqý tájirıbesin meń­gerýdiń taptyrmas quraly bola alady.

Rahatgúl BО́KEI,

Qoıandy aýylynyń №2 jalpy orta bilim beretin mektebiniń ınformatıka páni muǵalimi,

tehnıka ǵylymdary magıstri

Aqmola oblysy