Sonaý Alataýdan Altaıǵa at arytyp, sýretshiler Gúljamal Tagenova men Gúljanat Qabıjanovalar erekshe kórme ákeldi. Ekeýi de Shyǵystyń týmalary bolǵandyqtan, kórme ataýyn «Týǵan jerdiń palıtrasy» dep qoıǵan eken. О́ner mýzeıindegi eki zalǵa ilingen týyndylardan týǵan jerdiń, aýyldyń ıisi ańqyp turdy. Boıaýlary oınaqy, qanyq ári maǵynaly dep ónertanýshylar, kórermender óz baǵalaryn berip jatty. Ásirese, ortadaǵy dastarqanda jatqan qyzyldy-jasyldy jipten toqylǵan almalar kóptiń kóńilin aýdardy. Shynaıy almadan aıyrmashylyǵy joq. О́nerdiń qasıetin túsinetinder asqan sheberlikpen jasalǵanyn birden ańǵarady.
Qazirgi tańda týǵan jerlerine kelip kórme ótkizip jatqan eki sýretshi de óner ordasy – Almatyda turady, sonda qyzmet etedi. Esimderi elimizge tanymal sheberler qazaqtyń ulttyq ónerin alys-jaqyn shetelderge de tanytyp júr.
Gúljamal Tagenova Qazaqstan Sýretshiler odaǵynyń múshesi, kóptegen baıqaýdyń jeńimpazy, halyqaralyq plenerler men sımpozıýmdardyń qatysýshysy jáne dıplomanty. О́mirin ónerge arnaǵan ol «Symbat sán» akademııasynda sýret pen keskindemeden sabaq beredi. Al Gúljanat Qabıjanova pedagogıka ǵylymdarynyń kandıdaty. Beıneleý óneriniń kóptegen salasynda shyǵarmashylyq tájirıbesi bar. Atap aıtsaq, kitap grafıkasy, gobelen, kıiz, batık, ınterer dıza- ıny syndy salalaryn ábden meńgergen. Sońǵy jyldary keskindememen ǵana emes, kıizben jumys isteýdi qolǵa alǵan. Sonymen qatar tabıǵı jibek pen kıizden sándi kıimder tigip júr. Bul jumystary úshin Qazaqstan Sýretshiler odaǵynyń altyn medalimen de marapattalǵan.
– Zaısan qalasynda týyp-óstim. Mektepti támamdaǵan soń arman qýyp Almatyǵa kettim. Sodan beri óner jolynda eńbek etip kelemin. Al týǵan óńirde alǵash ret kórme ótkizip otyrmyz. Kórermenderdiń qyzyǵýshylyǵyna rıza boldym. Buǵan deıin shetelderge kóp shaqyrtý alyp turdyq. Budan bylaı О́skemenge jıi kelemiz. Keıingi jyldary toqyma ónerimen, gobelenmen, kestemen aınalysyp júrmin. Sýretshi bolǵan soń keskindeme, akvarel, grafıkany da tastamaımyz, – deıdi sýretshi Gúljanat Qabıjanova.
Aıta ketsek, eki sýretshimiz de Halyqaralyq táýelsiz áıel sýretshiler qorynyń múshesi. Ulttyq ónerdi álemdik deńgeıge kóterý baǵytynda aıanbaı eńbek etip kele jatqandyqtaryn, О́skemendegi kórmeden-aq kórýge bolady. Sýretshilerdiń aıtýynsha, «Týǵan ólkeniń palıtrasy» atty kórmege qoıylǵan jumystarǵa suranys bolsa, satylýy da múmkin. Kórme 10 sáýirge deıin jalǵasady.
Shyǵys Qazaqstan oblysy
