Jobada mynalar kózdelgen:
– óndirýshilerdiń benzındi, gazoholdy, benzanoldy, munaı eritkishin, jeńil kómirsýlar qospalary men ekologııalyq otyndy kóterme saýdada ótkizýine arnalǵan aksızder mólsherlemesin 1 tonnasyna 24 435 teńgeden 38 134 teńgege deıin ulǵaıtý;
– óndirýshilerdiń dızel otynyn kóterme saýdada ótkizýine arnalǵan aksızder mólsherlemesin 1 tonnasy úshin 9 300 teńgeden 35 726 teńgege deıin ulǵaıtý;
– dızel otynyna aksızderdiń maýsymdyq ózgerýin boldyrmaý;
– dızel otynynyń ımportyna aksızderdiń teń mólsherlemesin belgileý;
– dızel otynyna EAEO SEQ TN kodtaryn naqtylaý.
Zań jobasyn ázirleýshilerdiń aıtýynsha, aksız mólsherlemelerin ulǵaıtý memlekettiń áleýmettik-ekonomıkalyq mindetterin iske asyrýdy qamtamasyz etý úshin bıýdjetke qosymsha qarajat tartýǵa múmkindik beredi.
