Ýkraınadaǵy qaqtyǵys aıasynda Reseı ıadrolyq kúshteriniń daıyndyq deńgeıin kóterdi. Osydan keıin BUU basshysy málimdeme jasady. Gýterrısh muny «oqıǵanyń jandy jabyrqatatyn tusy» dep atady.
«Bir kezderi elestetý múmkin bolmaǵan ıadrolyq qaqtyǵystyń oryn alýy taǵy da yqtımal boldy», dedi BUU bas hatshysy jáne Ýkraınadaǵy soǵys qımyldaryn dereý toqtatýǵa shaqyrdy.
Gýterrısh Reseı áskeriniń basyp alýynan keıin Ýkraınadaǵy Zaporoje atom elektr stansııasynda tutanǵan órtten keıin ıadrolyq nysandar qaýipsizdigin saqtaýǵa shaqyrdy.
«Ýkraına halqyna qarsy jasalǵan sumdyqty toqtatyp, dıplomatııa men beıbitshilik jolyna túsetin ýaqyt keldi», dep túıindedi BUU bas hatshysy.
Reseı men AQSh ıadrolyq qarýdyq eń úlken arsenalyna ıe ekeni aıtyldy.
Eske salaıyq, Reseı prezıdenti Vladımır Pýtın reseılik tejeý kúshterin arnaıy jaýyngerlik kezekshilik rejımine kóshirýdi buıyrǵan bolatyn. Memleket basshysynyń aıtýynsha, mundaı sheshim - NATO jetekshileriniń agressıv málimdemelerine jaýap.
