Úkimet otyrysynan keıin BAQ ókilderi tarapynan Saýda jáne ıntegrasııa mınıstrine qant baǵasynyń qymbattaýyna baılanysty suraq qoıyldy.
«Biz qant baǵasyn aqparat jınaý arqyly ǵana baqylap, aınalysyp otyrǵan joqpyz. О́z basym jeksenbi kúni birneshe saýda nysanyna bardym. Árıne, baǵa qubylyp tur. Ony men de rastaımyn. Qant baǵasy negizinen suranys áserinen kóterilip ketti. Qazir jergilikti atqarýshy organdarmen baǵanyń aqylǵa qonymdy bolýy úshin jumys istep jatyrmyz», dedi vedomstvo basshysy.
Sondaı-aq, ol qanttyń kelisi 900 teńgeden satylyp jatyr degen aqparatpen kelispeıtinin aıtty.
«Baǵa 400 teńgeden 600 teńgege deıin qubylyp tur. Importtyq qant dep jeke satyp jatqandar bar. Men 900 teńge degen baǵany kórgen joqpyn», dedi Baqyt Sultanov.
