«Dorıan Greıdiń portreti»
Osydan 130 jyl buryn kitap bolyp shyqqan bul shyǵarma jazýshy Oskar Ýaıldtyń artyna qaldyrǵan jalǵyz romany. Romannyń jelisi óz janyn máńgilik jastyqqa aıyrbastaǵan jas jigit týraly baıandalady. Sonymen birge bul týyndy qazirgi qoǵamnyń gedonızm men bos sandaldyń arasyndaǵy áýreshiliktiń fılosofııalyq beınesin ashyp kórsetedi.
«Don Kıhot»
Servantestiń bul kitaby tórt ǵasyr boıy óz qunyn joıǵan joq. Kerisinshe, áli oqylyp keledi. Álemdik ádebıettanýshylar bul shyǵarmany árbir adam sózsiz oqýǵa tıisti kitaptardyń biri dep joǵary baǵa bergen. Servantes bul kitabynda adamnyń qaıǵy men qasiretke tótep berý, onymen kúresýge shabyt bere otyryp, ómirdiń árbir synynan aman ótýge úndeıdi.
«Uly Getsbı»
Alǵash ret 1925 jyly baspadan shyqqan bul romandy álem oqyrmandary jaqsy baǵalaǵan. Baspadan shyǵa salysymen kitapsúıer qaýymnyń qolynda bolǵan atalǵan shyǵarma Amerıka ádebıetiniń bir jemisi retinde qarastyrylady. Bul kitapty oqysańyz, siz ártúrli adamdarmen kezdesken saıyn jazýshy Fısdjeraldtyń keıipkerlerinen jańa nárselerdi úırene bastaısyz.
«Sheksiz ázil»
Devıd Foster Ýollestiń atalǵan kitaby da jas oqyrmandar úshin asa mańyzdy. Myń betten asatyn bul romandy oqyǵandar sany bir jyl ishinde birneshe mıllıonnan asady degen derek bar.
