«Babalarymyz el taǵdyryn aıqyndaıtyn tarıhı sheshimderdi búkil halyq bolyp aqyldasyp, birge qabyldaǵan. Keleli jıynda aıtylǵan kesimdi sózge alty Alashtyń balasy túgel toqtaǵan. Biz birliktiń bastaýy bolǵan osy dala demokratııasynyń dástúrin jańǵyrtýymyz kerek», dedi Prezıdent óz sózinde.
Qasym-Jomart Toqaevtyń aıtýynsha, memleketimizdiń órkendeýi aımaqtardyń qýatty bolýyna tikeleı baılanysty.
«Qazir saıası barrıkadalar ornatyp, ár máselege bola mıtıng ótkizip, kúmándi sheshimderge jetelep, jónsiz talap qoıatyn ýaqyt emes. Maǵan elimniń amandyǵy men jerimniń tutastyǵynan asqan eshbir qundylyq joq», dedi Prezıdent Joldaý barysynda.
