“BATYS EÝROPA – BATYS QYTAI” AVTOJOLY: MERZIM – 2013 JYL!

Keshe Premer-Mınıstrdiń birinshi orynbasary О́mirzaq Shókeev Jambyl oblysyna jumys saparymen kelip, “Batys Eýropa – Batys Qytaı” avtojolynyń boıynda júrgizilip jatqan qurylys jumystarynyń atqarylý barysymen tanysty. “Batys Eýropa – Batys Qy­taı”  halyqaralyq tranzıttik dáli­zi­niń jańa avtojol qurylysy eli­mizdegi jáne álemdik aýqymdaǵy iri jobalardyń biri bolyp sanalady. Elbasy N.Nazar­baevtyń “Jańa on­jyldyq – jańa ekonomıkalyq ór­leý – Qazaqstannyń jańa múmkin­dik­teri” dep atalatyn bıylǵy Jol­daýynda “Biz salýǵa kiri­setin “Ba­tys Eýropa – Batys Qytaı” av­tojoly – taýarlar tasymaly úshin mańyzdy magıstral” dep atap kórsetýi de sondyqtan bolsa kerek. Joldyń quny 825 mıllıard teńgege baǵalanyp otyr. Avto­ke­rýen jolynyń jalpy uzyndyǵy 8 myń shaqyrymnan assa, Qazaqstan boıynsha 2800 shaqyrymdy alyp jatyr. Al Jambyl oblysy boı­yn­sha 495,3 shaqyrymdy quraıdy. Sóıtip ol osy óńirdiń Jýaly, Jambyl, Baızaq, Turar Rysqulov atyndaǵy, Merki, Shý jáne Qordaı sııaqty iri aýdandaryn basyp ótedi. – Bul joldyń strategııalyq ma­ńyzy elimiz úshin óte zor. Son­dyqtan Elbasy ony únemi nazarda ustap otyr. Esterińizde bolsa, keńes ókimeti kezinde BAM, ıaǵnı Baıkal-Amýr magıstraliniń qury­lysy júrgizilgeni belgili. Onyń jalpy uzyndyǵy 3300 shaqyrym bolatyn. Keńes ókimeti sony 150 myń jumysshy kúshimen 17 jyl júrgizdi. Al biz 3 jylda, ıaǵnı 2013 jyly bitirmekpiz. Bizdiń jumys kúshimizdiń sany 50 myń adamǵa deıin jetetin bolady. Jumysqa 10 myń tehnıka jegiledi. Joldyń sapasy, álbette, halyqaralyq  qa­lypqa saı, sapaly bolady, – dedi Premer-Mınıstrdiń birinshi oryn­basary О́mirzaq Shókeev jýr­nalısterge bergen suhbatynda. “Batys Eýropa – Batys Qy­taı” avtojolynyń Jambyl obly­sy bóliginde atqarylyp jatqan ju­mystardy kórip, istiń barysymen jete tanysqan О́.Shókeev qarqyn­dy jumysqa rıza bolsa, jaıbasar­lyqqa jol bergen kompanııalarǵa keńshilik bolmaıtynyn da eskertti. Mysaly, “Aqmolaqurylys mate­rıal­dary” JShS-nyń jumysy kesteden edáýir kesheýildep keledi eken. Eger mamyr aıynyń aıaǵyna deıin keste boıynsha atqarylatyn jumysty qýyp jetpese, senim basqa kompanııaǵa kórsetiletindigi aıtyldy. Premer-Mınıstrdiń birinshi orynbasary, sondaı-aq, tehnıkany kóbeıtýdi, eńbek tárti­bin saqtaýdy da eskertti. “Jambyljolqurylys” Qazaq­stan-Koreıa birlesken kompanııa­sy­nyń jumysynda edáýir shıraqtyq bar sııaqty kórindi. Kompanııa jetekshisiniń kómekshisi Djong Nag Ýon myrza, tipti, Premer-Mı­nıstr­diń birinshi orynbasarymen qazaqsha amandasty. Orysshasy da ájeptáýir eken. Djon Nag Ýonnyń aıtýyna sensek, birlesken kom­panııa keste boıynsha jumys istep keledi. Kóldeneńnen kezdesip, ju­mysqa kedergi jasap otyrǵan úlken másele joq. Karer máselesiniń qujattary boıynsha azyn-aýlaq másele bar eken, ony jumys barysynda sheshý kózdelipti. Premer-Mınıstrdiń birinshi orynbasary О́.Shókeev oblystyq ákimdikke, prokýratýraǵa jáne kompanııa basshylaryna mundaı máseleni jumys qarqynyn toq­tatpaı tez arada sheshýdi tapsyrdy. Búginde jol 38 bólimshege bóli­nip, onyń 20-da jumys qarqyndy túrde júrgizilýde. Kósemáli SÁTTIBAIULY, Jambyl oblysy.