«Quqyqtyq tártip» jedel aldyn alý is-sharasyn ótkizý barysynda Shyǵys Qazaqstan oblysynyń polıseıleri aımaqtyq Qylmystyq-atqarý júıesi departamentimen birlesip, О́skemen qalasyndaǵy garajdardyń birinde qoımaǵa jasyrylǵan qarý-jaraq arsenalyn tapty. Tintý kezinde 7,62 mm kalıbrli TT jaýyngerlik tapansha tabyldy. Dál sol tapanshada qosymsha 9 mm-den atýǵa arnalǵan qoldan jasalǵan aýystyrylatyn uńǵy boldy. IJ-18 kesilgen sholaq myltyq, ártúrli onyń ishinde tıisinshe 5.45, 7.62 jáne 9 mm kalıbrli 450-den astam mólsherde oq-dáriler tárkilendi.
Sot-medısınalyq saraptama qorytyndysyna sáıkes tárkilengen barlyq qarýlardyń jaǵdaıy jaqsy jáne atýǵa tolyq jaramdy.
ShQO PD bastyǵynyń orynbasary Talǵat Shaıahmetov atap ótkendeı, osy fakti boıynsha 47 jastaǵy er adamǵa qatysty QR QK-niń 287-baby 3-bóligi (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha sanksııasy bes jylǵa deıingi merzimge bas bostandyǵynan aıyrýdy kózdeıtin sotqa deıingi tergeý bastaldy.
