«Partııalyq júıege qatysty da zańnamalyq ózgerister qabyldanady. Osy oraıda Prezıdentimiz partııalardy pármendi jáne yqpaldy ınstıtýt retinde qalyptastyrýdy kózdep otyr. Saıası partııalardy tirkeý rásimi edáýir jeńildeıdi. Sonymen qatar, Memleket basshysy óziniń ókilettiligin atqarý kezeńinde eshqandaı partııaǵa múshe bolmaý kerektigi aıtyldy», dedi Senat Tóraǵasy.
Máýlen Áshimbaev munyń barlyǵy túptep kelgende shynaıy saıası básekege jol ashatyndyǵyna basa nazar aýdartty.
«Al kez kelgen saladaǵy báseke damýdyń basty sharty jáne onyń mýltıplıkatıvti áseri zor bolatyny sózsiz», dedi Senat spıkeri.
