22 naýryz kúni saǵat 13:00-de tanymal ártister men ınternet juldyzdary boz kilem ústinde kúsh synasady.
Bul joly myqtylar básekesine 20 balýan qatysady. Oıyn erejesi boıynsha, olar bes salmaq boıynsha, ıaǵnı, top-toppen jarysady. Jekpe-jekterge kásibı balýandar emes, elimizdiń tanymal azamattary shyǵatynyna qaramastan, «О́ner barysy» jobasynda barlyǵy naǵyz kásibı sport erejelerine saı bolady.
«О́ner barysy» bıyl besinshi ret ótkizilmek. Alǵashqy oıyn 2019 jyly elimizdiń astanasy – Nur-Sultan qalasynda uıymdastyryldy. Jobanyń jankúıerleri kóp bolǵandyqtan, sport jarysy jyl saıyn ótkizile bastady. Bul jolǵy jobanyń ereksheligi – qatarǵa túıe balýandarynyń qosylýy.
«О́ner Barysy» telejobasy respýblıkalyq «Qazaq kúresi» federasııasynyń kúntizbesine endi. Onyń maqsaty – qazaqsha kúresti jáne jalpy salaýatty ómir saltyn nasıhattaý. Jobaǵa Asylhan Tólepov, Táýekel Músilim syndy akterlerden bólek, «Kamyzıakı» KVN komandasynyń jas ári talantty qatysýshysy Rınat Muhambaev qatysady», delingen habarlamada.
