«2021 jyldyń qorytyndysy boıynsha elektr energııasyn óndirý kólemi 114,4 mlrd kVt saǵatty qurady. Bul rette maınerlerdiń baqylaýsyz ósýine jáne elektr stansııalaryndaǵy apattyq jaǵdaılarǵa baılanysty 2021 jylǵy maýsymnan bastap tapshylyq paıda boldy. Ol Reseı Federasııasynan shamamen 300 mln.kVt saǵat kóleminde teris saldo-aǵyn esebinen jabyldy. 2022 jylǵa elektr energııasyn óndirý jospary – 114,4 mlrd kVt saǵat», dedi ol mınıstrliktiń keńeıtilgen alqa otyrysynda.
«Sondaı-aq, ortalyqtandyrylǵan saýda-sattyqta elektr energııasynyń tapshylyǵy men josparly ımporty kezinde maınerlerdi shekteý tetikteri engizildi. Jalpy, qazirgi ýaqytta zańsyz sıfrlyq maınıng sýbektilerin anyqtaý boıynsha jumys jalǵasýda. Osy sýbektilerdi odan ári retteý aıasynda kelesi máseleler pysyqtalýda: sıfrlyq maınıng qyzmetin lısenzııalaýdy engizýdi jáne sıfrlyq maınıng sýbektileriniń elektr energııasyn tutynýyna kvotalardy aıqyndaýdy kózdeıtin zańnamaǵa túzetýlerdi engizý; jańa maınerler úshin qýattardy qosýǵa moratorıı engizý; sıfrlyq maınıng sýbektilerin elektr energııasyn jańartylatyn energııa kózderinen jáne ımporttan tutynýǵa aýystyrý», dedi Bolat Aqsholaqov.
