Ǵylym • 24 Naýryz, 2022

Ǵylymı jobalar sarapqa salyndy

73 ret kórsetildi

Túrkistan qalasyndaǵy Nazarbaev zııatkerlik mektebinde dástúrli ǵylymı jobalar baıqaýy ótti. Oǵan elimizdiń ár óńirindegi Nazarbaev zııatkerlik mektebiniń shákirtteri qatysty. Jasandy ıntellekt jáne mehatronıka taqyrybyna arnalǵan sa­ıysta oqýshylar medısına, ekologııa, matematıka, hımııa, bıologııa, fızıka baǵytyndaǵy jobalaryn usyndy.

Buǵan deıin NZM oqýshylaryna jasandy ıntellekt, sıfr­ly tehnologııalar, robottehnıka, ınjenerııa, sáýlet óneri, ekologııa salasyndaǵy tanymal otandyq jáne sheteldik spıkerler onlaın-formatta qazaq, aǵylshyn jáne orys tilderinde vebınarlar ótkizgen. Olardyń qatarynda eýropalyq fýtýrıst Gerd Leonhard (Shveısarııa), sýtekti kólik túrleri boıynsha aýstralııalyq sarapshy Brendan Norman, reseılik «R:ED» kom­panııasynyń bilim berý jobalaryn damytý bóliminiń basshysy Alısa Bolshakova, Nazarbaev ýnıversıtetiniń ǵylymı qyzmet­keri Janat Mahataeva jáne bas­qa da bedeldi ǵalymdar bar. Al praktıkalyq sabaqtar topo­g­ra­fııadaǵy Pıfagor teoremasyna, jer silkinisterin túsiný úshin matematıkalyq modeldeýdi paı­dalanýǵa, ǵarysh materıalda­ryn jasaýǵa jáne hımııa, bıologııa, fızıka, matematıka men ınformatıka salasyndaǵy bas­­qa da jobalarǵa arnaldy. Túr­kis­tan qalasynda ótken bas­ty is-sharada «Nazarbaev zııat­kerlik mektepteri» DBBU qyz­metkerleri ázirlegen oqý jáne sıfrly resýrs­tar jár­meńkesine oqýlyqtar, oqý-ádistemelik keshender, jı­­naq­tar, oqýshylardyń oqý jetistikterin baǵalaýǵa arnal­ǵan nusqaýlyqtar qoıyldy. Atalǵan uıymnyń basqarma tóraıymy Kúlásh Shámshıdınova men Túrkistan oblysy ákiminiń orynbasary Sáken Qalqamanov daryndy oqýshylardyń ǵylymı jobalaryn kórdi. Mysaly, «Júıelik-ádistemelik keshen» onlaın platformasy, 3D formatyndaǵy NIS LAB vır­týaldy zerthanasy, NIS MEET POINT ashyq onlaın alańy kórsetildi. Sondaı-aq oqý­shylar «Men sııaqty jasa» taqyrybyndaǵy STEAM jobalaryn tanystyrdy. Olardyń basym bóligi medısına salasyna jasandy ıntellekti engizýge arnalǵan. Mysaly, Taraz qala­syn­daǵy NIS-te ázirlengen COVID-19 klınıkalyq sımp­tomdardy baqylaý júıesi Jam­byl oblysyndaǵy eń úzdik startap atalyp, respýblıkalyq ǵylymı jobalar baıqaýynda ekinshi oryndy jeńip aldy. Bul joba Taraz qalalyq kópsalaly aýrýhanasyna qoldanysqa berilgen. «Qurylǵynyń negizgi tıimdiligi – araqashyqtyqty saqtaı otyryp, dárigerlerge temperatýrany, satýrasııa men júrek soǵý jıiligin anyqtaýǵa kómektesedi. Mysaly, qazir meniń temperatýram 36-ny kórsetip tur. Júrek soǵý 44 jáne sotýrasııam – 94. Deni saý adamdarda satýrasııa 93-ten kem bolmaý kerek. Odan az bolsa onda ol adamnyń densaýlyǵynda kinárat bar degen sóz», deıdi Taraz qalasyndaǵy Nazarbaev zııatkerlik mektebiniń oqýshysy Kamılla Mashanlo.

Sonymen qatar qatysýshylar qoldanystan shyqqan «Ekinshi ómir» tehnıkasyn paıdalanatyn ekologııalyq zertteýlerin qorǵady. K.Shámshıdınova Naý­ryz kezdesýleriniń eń negizgi mindeti – balalardyń ár pán bo­ıynsha alǵan bilimin praktıkada iske asyrý ekenin aıtady. «Onyń syrtynda biz osy oblystaǵy mektep muǵalimderin oqytyp jatyrmyz. Bizden úırengen dúnıesin erteń baryp aýylǵa, ózderiniń áriptesterine úıretsin», deıdi K.Shámshıdınova.

Túrkistandaǵy is-shara barysynda oqý drondary ushyrylyp, «Altyn saqa» jáne «Eń seısmotózimdi ǵımarat» komandalyq oıyndary, jas ónertapqyshtar qurastyrǵan avtokólikter jarysy uıymdastyryldy. Sondaı-aq oqýshylar Naýryz kezdesýleriniń mádenı baǵdarlamasy aıasynda Qoja Ahmet Iаsaýı kesenesi, Arystan bab, Otyrar tóbe, «Uly dala murajaıy» jáne Kerýen saraıynda boldy.

 

Túrkistan oblysy

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar