Ertistiń jaǵalaýynda ótetin jarysta Qazaqstannyń namysyn О́skemenniń «Altaıy» men Petropavldyń «Qýanyshy» qorǵaıdy. Bul klýbtardyń ekeýi de myqty. «Altaıdyń» alty dúrkin el chempıony, tórt dúrkin el kýbogy men sýperkýbogynyń ıegeri degen ataqtary bar. Joǵarydaǵy belesterdiń barlyǵyn olar 2016-2022 jyldar aralyǵynda baǵyndyrdy. Byltyr Taılandta ótken Azııanyń klýbtyq chempıonatynda aldaryna jan salmaǵan óskemendik arýlar altynnan alqa taqty. Al kileń qazaqstandyq voleıbolshylardan jasaqtalǵan «Qýanyshtyń» da qazirgi qarqynyna kóńil tolady.
«Altaı» men «Qýanyshtan» bólek, atalǵan jarysta Irannyń Barij Essence, Taılandtyń Diamond Food-Fine Chef Sport Club, О́zbekstannyń Jizzakh State Pedagogical Institute jáne Japonııanyń JT Marvelous klýbtary óz ónerlerin ortaǵa salady.
