«Keıde buqaralyq aqparat quraldary ókilderi tarapynan «Ramazan aıynyń bastalatyn kúnin О́zbekstan jáne Qyrǵyzstan musylmandary dinı basqarmasymen keńesý arqyly belgileý qandaı qajettilikten týdy?» degen saýaldar qoıylyp qalady. Osy rette aıta ketetin jaıt, ózderińizge belgili, osyǵan deıin Ortalyq Azııa elderi arasynda dinı merekelerdi atap ótýde aıyrmashylyq bolatyn. Onyń ózindik dálelge súıengen ǵylymı ári dinı sebepteri boldy. Alaıda aýyly aralas jatqan baýyrlas elder orazany eki kúnde bastap, aıt merekesin eki kúnde atap ótken jaǵdaı birneshe ret qaıtalandy», dedi Naýryzbaı qajy Taǵanuly Ortalyq kommýnıkasııalar qyzmetinde ótken baspasóz máslıhatynda.
Bas múftıdiń aıtýynsha, joǵaryda atalǵan jaǵdaı jamaǵattyń túsinbeýshiligin týdyrdy.
«Biz О́zbekstan, Qyrǵyzstan eline barǵan jumys saparymyzda osy máseleni jan-jaqty talqylap, ortaq pátýa qabyldaýǵa ýaǵdalastyq. Kelesim negizinde ekijaqty memorandým qabyldandy. Allaǵa shúkir, búginde Ortalyq Azııa elderiniń sharıǵat jáne pátýa salasy boıynsha arnaıy keńesi qurylyp, ortaq máselelerdi ózara kelisip, keńesip, sheshim qabyldap kelemiz», deıdi ol.
Aıta keteıik, bıyl Ramazan aıy 2 sáýirde bastalyp, 1 mamyrda aıaqtalady.
