Jarysqa qatysýǵa elimizdiń barlyq óńirinen 107 komanda ótinish berdi. 230 stýdentten quralǵan 72 komanda fınalǵa joldama aldy.
Bilim jáne ǵylym mınıstrligi, Daryn.Online bilim berý platformasy, BTS Education, EDUS jáne Mail.kz syndy otandyq IT kompanııalar uıymdastyrǵan jarystyń júlde qory 3,5 mıllıon teńgeni qurady.
Qazylar alqasynyń sheshimimen Nazarbayev University jáne Astana IT University stýdentteri jeńimpaz atandy. Ekinshi oryndy Nazarbaev ýnıversıtetiniń taǵy bir komandasy jeńip aldy. Úshinshi oryn Ǵ.Dáýkeev atyndaǵy Almaty energetıka jáne baılanys ýnıversıtetiniń, Suleyman Demirel University jáne Astana IT University stýdentterinen quralǵan komandasyna buıyrdy.
Jeńimpaz stýdentter qarjylaı syılyqpen qosa, Daryn online, BTS Education, EDUS jáne Mail.kz sııaqty tanymal IT-kompanııalarda jumysqa ornalasý múmkindigine ıe boldy. Sonymen qatar keıbir sıfrlyq sheshimder óz ınvestorlaryn taýyp úlgerdi.
