«Qurmetti Qazaqstan Respýblıkasynyń Ýkraınadaǵy azamattary, Qazaqstan Respýblıkasynyń Ýkraınadaǵy Elshiligi 2022 jylǵy 28 naýryzdaǵy jaǵdaı boıynsha Katovıse qalasynan (Polsha) jeti evakýasııalyq reıs oryndalǵanyn habarlaıdy. Ýkraınadan 900 Qazaqstan azamaty evakýasııalanyp, olardyń 743-i Qazaqstanǵa oraldy. Qazirgi kezde azamattardy repatrıasııa ushaqtarymen evakýasııalaý aıaqtaldy. Jabyq eldimekenderde qalyp qoıǵan jáne kórsetilgen reıstermen Ýkraınadan shyǵa almaǵan azamattardyń ótinishteri jeke tártipte qaralady», delingen elshilik habarlamasynda.
Eske sala keteıik, 28 naýryzda Katovıse qalasynan bortynda Qazaqstan azamattary bar jetinshi repatrıasııalyq reıs ushty.
Sondaı-aq, QR Tótenshe jaǵdaılar mınıstrligi Almatydan Polshanyń Katovıse qalasyna Ýkraına azamattary úshin gýmanıtarlyq kómektiń kezekti partııasy salynǵan arnaıy reıs uıymdastyrdy.
