Talqylau qoǵamdyq dıalog alańy jumysyn bastady

AMANAT partııasy ashyq, kásibı jáne teń jaǵdaıda – jarııa dıalogtyń jańa standartyn qalyptastyrady. Otyrystyń negizgi ýaqyty saıası júıeni transformasııalaý jáne aralas saılaý júıesine kóshý týraly pikirtalastarǵa arnaldy. Bul rette spıkerlerge suraqtardy zaldaǵy sarapshylar men qatysýshylar ǵana emes, sonymen qatar onlaın rejimde kórermenderdiń de qoıýyna múmkindigi boldy. Jalpy, 700-den asa pikir men suraq kelip tústi.

TALQYLAU-dyń alǵashqy otyrysyn ashqan AMANAT partııasynyń atqarýshy hatshysy Ashat Oralov Prezıdent jarııalaǵan reformalar Qazaqstannyń memlekettik qurylysy tarıhynyń jańa kezeńine bas­taıtynyn atap ótti. «Saılaý týraly zańnamaǵa ózgerister engiziledi. Bul eldegi demokratııalyq ózgeristerdiń katalızatory men negizine aınalatyny sózsiz. Saıası partııalardy tirkeý resimderin jeńildetý jańa saıası qozǵalystardyń qurylýyna serpin beredi jáne jumys istep turǵan saıası birlestikterdiń óz qyzmetin jandandyrýyna alyp keledi. Bul baǵytta AMANAT partııasy belsendi jumys isteýde. Sezden beri bir aıǵa da jetpeıtin ýaqyt ótti. Soǵan qaramastan onyń barysynda aıtylǵan mindetter men bas­tamalar búginde iske asyrylyp jatyr jáne TALQYLAU – sol bastamalardyń biri», dedi partııanyń atqarýshy hatshysy.

О́z kezeginde AMANAT partııasy depýtat­tyq fraksııasynyń múshesi Saıasat Nurbek talqylaý alǵash ret tikeleı efırde ótip jatqanyn alǵa tartyp, «Biz búgin qurylym­danbaǵan, senzýradan ótpegen ashyq dıalog dástúrin bastaımyz dep úmittenemiz. Bul Prezıdent Joldaýy aıasynda óte mańyzdy, óıtkeni Jańa Qazaqstan jumysyn jańa qaǵıdattar men jańa jumys formattarynan bastaý kerek», dedi.

«Qazaqstannyń Azamattyq Alıansy» ZTB prezıdenti Baný Nurǵazıeva myqty qoǵamsyz myqty memleket qurý múmkin emes degen pikir bildirdi. «Biz jańa reformalarǵa daıynbyz. Jurt kóp nárse ózgeredi degen úmitpen Joldaýdy yqylaspen qabyldady. Azamattyq qoǵam ókilderimen birlesip zańnamalyq ózgeristerge qatysty kóptegen jumys atqarylady dep kútemiz», dedi ol.

Májilis depýtaty Berik Ábdiǵalıulynyń aıtýynsha, qazir elimizdi jańa deńgeıge kóterýge úlken múmkinshilik bar. Ol úshin Jańa Qazaqstanda ózgeristi árkim ózinen bas­taýy kerek. «30 jylda jetken jetistikterimiz bar. Biraq kemshilikterimiz de az emes. Jańa Qazaqstanda partııadan bastap, árbir azamatqa deıin, aýyl ákiminen Prezıdenttiń jumysyna deıingi jiberilgen kemshilikterdi anyqtap, tipti sonyń tizimin de jasasaq. Bıýdjetti qurýda bizde kóptegen gıgantonamııa boldy. Qanshama mıllıardtaǵan qarajat basqa jaqqa jumsalyp, al myna jaqta halyq úısiz-kúısiz júrdi. Onyń barlyǵy kemshilik pe? Árıne, kemshilik. Sondyqtan Prezıdenttiń aıtqany, birinshi kezekte basymdyq ózgerýi kerek. Ol úshin halyqtyń jaǵdaıyna qaraý qajet. Barlyǵynyń ólshemi – adam. Mine, qazirgi bizdegi naǵyz qaǵıda osy. Birtindep soǵan kele jatyrmyz», dedi depýtat.

«Halyq únine qulaq asatyn memleket» týraly aıtqanda, biz árqashan «qulaq asatyn memleket» jaǵdaıynda «aıtatyn» qoǵam qajet ekenin túsinýimiz kerek. Eger «ashyq aıtatyn qoǵam» bolmasa, onda olar kimniń únine qulaq asýy kerek? Endi bul prosesti jyl­dam­datý kerek. О́ıtkeni Joldaýda ıdeıalar ǵana aıtyldy, al olardy qalaı júzege asyra­ty­nymyzdy biz birge oılanýymyz kerek. AMANAT partııasy óziniń alǵashqy ózgeris­terin ashyq alańnan bastaǵany jáne bizdi sha­qyrǵany quptarlyq», dedi qoǵam qaıratkeri, «Serpin» Ulttyq bilim jáne ınnovasııalar palatasynyń prezıdenti Murat Ábenov.

Sondaı-aq Prezıdent janyndaǵy QSZI dırektory Erkin Tuqymov, Eýropalyq quqyq jáne adam quqyqtary ınstıtýtynyń dırektory Marat Báshimov, Qazaqstandyq qoǵamdyq damý ınstıtýtynyń basqarma tóraǵasy Qazbek Maıgeldınov, BǴM Ǵylym komıtetiniń Memleket tarıhy ınstıtýty dırektorynyń orynbasary Búrkitbaı Aıaǵan, Májilis depýtaty Tilektes Adambekov jáne basqalar óz pikirlerimen bólisti.

Kelesi TALQYLAU otyrysy podkast jazbasy, debattar, pikirtalastar sııaqty túrli formatta ótedi. Ári qaraı taqyryptar Qoǵamdyq saıasat ınstıtýtynyń telegram-arnasynda daýys berý qorytyndysy boıynsha anyqtalady.

Esterińizge sala keteıik, TALQYLAU pikirtalas alańyn qurý bastamasy 1 naýryzda ótken kezekten tys sezde partııany transformasııalaý baǵdarlamasynyń bir tarmaǵy retinde jarııalanǵan edi. Alańda azamattardy tolǵandyratyn ózekti máselelerdi sheshetin usynystar ázirleý úshin sarapshylar, depýtattar, memlekettik organdar men ÚEU ókilderi turaqty túrde kezdesedi. Sonymen qatar pikirtalas «Aıqyn» jáne «Lıter» gazetteriniń arnaıy aıdarlarynda jarııalanatyn bolady.