Qazaqstan • 30 Naýryz, 2022

Depýtattar úndeý qabyldady

93 ret kórsetildi

Túrkistanda el Prezıdenti Qasym-Jomart Toqaevtyń «Jańa Qazaqstan: Jańarý men jańǵyrý joly» atty Qazaqstan halqyna arnaǵan Joldaýyn júzege asyrý joldaryn talqylaý maqsatynda «Qazaqstan máslıhattary depýtattarynyń birlestigi» respýblıkalyq qoǵamdyq birlestigi ortalyq keńesiniń otyrysy ótti.

Qoǵamdyq birlestik tóraǵa­sy Tóleýbek Muqashev júr­gi­zip otyrǵan jıynda Túr­kis­tan oblysynyń ákimi О́mir­zaq Shókeev Memleket bas­shysy tarapynan óńirge jaqsy kóńil bólinip jatqanyn, kıe­li qala – birlik pen tatýlyq­tyń ortalyǵy retinde damı­tynyn atap ótti. Sonymen qatar bıylǵy Joldaýda aza­mattyq qoǵamdy damytý, más­lıhattardyń rólin kóterý jáne ózge de saıası refor­ma­lar­dy júzege asyrý jónin­de mańyzdy tapsyrmalar júk­tel­genine toqtaldy. «Pre­zı­dent azamattardyń ókildi bılikke degen senimin nyǵaıtý úshin máslıhattarǵa basa mán berý kerektigin, olardyń rólin arttyryp, derbestigin qamtamasyz etý úshin máslıhat tóraǵasy laýazymyn engizýdi usyndy. Máslıhattardyń yqpalyn barynsha kúsheıtý úshin oblys ákimderin taǵaıyndaý tártibine ózgeris engizilýi múmkin. Taǵy bir mańyzdy másele, Qasym-Jomart Kemeluly «Saıası jańǵyrý aıasynda máslıhattar jergilikti ózin ózi basqarýdyń negizgi býynyna aınalýǵa tıis» deı kele birqatar mindetter júktedi. Bul rette oblysymyzda jergilikti atqarýshy organdar men máslıhattar birlese jumys atqaryp, ózekti máselelerdi sheshýge atsalysyp júr», dedi óńir basshysy.

Sondaı-aq oblys ákimi el birligin nyǵaıtýda Túrkis­tan tájirıbesi joǵary baǵa­lanǵanyn atap ótti. Joldaý­daǵy basym baǵyttarǵa toq­talyp, oblystyń damý bary­sy­men tanystyrdy. «Úsh jyl­dan astam ýaqyt ishinde Túrkistan óńiri jaqsy damydy. Jalpy, óńirlik ónim kólemi 2,5 esege artty. Oblysta munaı óńdeý zaýyty jáne ózge de aýqymdy jobalar qolǵa alynyp, qurylysy júrip jatyr. Aýyl sharýashylyǵyn ártarap­tandyrý, jańa tehnologııalardy engizý, jańbyrlatyp, tamshylatyp sýǵarý arqyly ónim kólemi arta tústi. Jylyna 40 myńdaı jumys ornyn ashý mejesi qoıylyp, bul júzege asý ústinde. Taǵy bir aıta keterligi, qurylys salasynda buryn-sońdy bolmaǵan kórsetkishke qol jetkizildi. Byltyr 700 myń sharshy metrden astam úı paıdalanýǵa berildi. Bir Túrkistan qalasynyń ózinde 15 myńdaı páter salynyp, 100 myń turǵynǵa saı páter men ınfraqurylym jasaqtalyp otyr. Túrkistan qalasyndaǵy úılerdiń 90 paıyzyna gaz berildi. Ekologııa jaqsardy. Sý kanaldary betondalyp, jańa sý qoımalar paıdalanýǵa berilýde. Mine, osy jobalar arqyly Túrkistannyń ekologııasy jaqsaryp, jasyl qalaǵa aınalady degen senim mol. Barlyq saladaǵy jumystar jalǵasyn taba beredi. Munyń bári el birliginiń, atqarýshy or­gan men máslıhattardyń bir­les­ken jumysynyń jemisi», dedi О́mirzaq Shókeev.

Otyrysta jergilikti jáne óńirlerden kelgen máslıhattar hatshylary baıandama jasap, óz pikirlerin bildirdi. Jańa Qazaq­standy qurý úshin qýatty máslı­hattar men bilikti depýtat­tardy qalyptastyrý jol­dary aıtyldy. Sondaı-aq «Qazaq­stan máslıhattary depýtat­tary birlestigi» respýblı­kalyq qoǵamdyq birlestiginiń 2022 jylǵa arnalǵan jumys jospary bekitildi. Jıyn sońynda depýtattar Prezıdent Joldaýyn júzege asyrý bo­ıynsha qazaqstandyqtarǵa arnalǵan «Jańa Qazaqstan­dy birge órkendeteıik!» atty Úndeý qabyldady.  

 

TÚRKISTAN

Sońǵy jańalyqtar

16 tamyzǵa arnalǵan valıýta baǵamy

Ekonomıka • Búgin, 09:47

16 tamyzǵa arnalǵa aýa raıy boljamy

Aýa raıy • Búgin, 09:38

1453 adam koronavırýstan jazylyp shyqty

Koronavırýs • Búgin, 09:06

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Uqsas jańalyqtar