Gennadıı Golovkın: Men shyndyqtyń betine týra qaraıtyn adammyn

– Gennadıı, siz kez kelgen boksshy shyqsam dep arman­daıtyn bar­lyq belesti baǵyn­dyrdyńyz. Olım­pıada­nyń kúmis júldegeri, orta sal­maq­­taǵy álem chempıony atanyp qana qomaı, sol ata­ǵy­ńyz­dy qatarynan 20 ret sát­ti qor­ǵadyńyz. Siz sportta keıingi 10 jyldaǵy eń iri esim­der­diń biri boldyńyz. Qazir ja­syńyz 40-qa taıap qaldy (8 sáýirde 40-qa tolady). Osy kún­ge deıin rıngte júrýińizge sizdi ne nárse jigerlendirip keldi?

– О́te jaqsy suraq. Qazir meni bir nárse jigerlendiredi dep aıtý qıyn. Boks – men úshin tek motıvasııa ǵana emes, ómirimniń bir bólshegi. Qazir men ózimdi óte jaqsy sezinemin. Qazirgi ómir saltym boıynsha men áli de sharshy alańda erkin judyryqtasa alamyn. Demek, búginge deıin sharshy alańda júrsem, onda meni bokstan ysyratyndaı oqıǵa nemese adam bolmaǵany ǵoı. Sportshy retinde de, qarapaıym azamat retinde de men óz mindetimdi atqaryp júrgenime qýanyshtymyn.

– Aıtpaqshy, kele jatqan týǵan kú­ni­ńizben. Gennadıı Go­lovkın 40 jasynda «tóbe­lesemin» dep oılady ma eken?

– Rahmet. Shynymdy aıtsam, 40 jasyma deıin rıngte júremin dep oılaǵan joqpyn. Osy kúnge deıin kásibı boksshy bolyp qalamyn degen de oı bolǵan joq. 40 jasymda da ózimdi 39 jastaǵydaı sezinetin shyǵarmyn. Iаǵnı ózime áli de kóńilim tolady, denim saý. 40 jasymda da ózimdi óte tamasha sezingim keledi.

– Eń keıingi ret sharshy alańǵa bir jarym jyl buryn shyqtyńyz. Uzaq ýaqyttan keıin rıngke qaıta kóte­rilý qıyn ekeni belgili. Árdaıym óz ba­byńda bolǵyń kelgenimen, jıi judy­ryqtaspaǵandyqtan, taǵy uzaq ýaqyt jattyqqyń da kelmeıdi. Aldaǵy aı­qas­qa daıyndyq qalaı ótip jatyr, ózi­­­ńizdi qalaı sezinesiz jáne biz, ıaǵnı jan­­kúıerler sizden Tokıoda ne kúte alamyz?

– Teddı, dál osy jerde men sizdi maqtaǵym kelip tur. О́ıtkeni suraq óte kásibı dárejede qo­ıylyp tur jáne boksta úlken tájirıbeńiz bar ekeni birden baıqalady. Shynynda solaı. Mundaı kezde daıyndyq uzaq bolady. Bir jarym jyldyń ishinde eki-úsh ret judyryqtasýǵa bolar edi. Biraq belgili sebeptermen jekpe-jekter keıinge ysyryla berdi. Eki ret tolyq jattyǵý jıynyn ótkizdim. Al qazir alǵa qaraı umtylysty, jigerdi saqtap, taǵy da óz babyma enýim kerek. Bul – qazir meniń aldymda turǵan eń birinshi mindet.

– Kásipqoı boksta aıtar­lyqtaı iri jetistikterińiz, tamasha boks jo­lyńyz bar. Ýaqyty kelgende, «Ka­neloǵa» qarsy taǵy bir jekpe-jeksiz bokstan kete alasyz ba? Kóp je­tistikke jetkenińizge qa­ramastan, ka­rerańyzdy aıaq­tamas buryn oǵan qarsy ózińiz qanaǵattana ala­tyndaı jekpe-jek bolýy mańyzdy ma? Siz úshin «Kanelomen» taǵy bir jekpe-jek ótkizýdiń qajeti bar ma?

– Qazir men bul suraqqa qalaı jaýap bersem de, adamdar jaýabymnan báribir bir ilik tabady. Meniń eńbegime keler bolsaq, ony moıyndamaýǵa tyrysatyn, ıaǵnı óz-ózderin aldaıtyn adamdar qashanda tabylady. Al «Kanelo» týraly suraǵyńyzǵa jaýap berer bolsam, erteńgi kúnimiz qa­laı bolaryn eshkim bilmeıdi. Eger úshinshi jekpe-jek bolsa, bárimizge jaqsy bolar edi, al bolmasa bári burynǵysha óz aǵy­symen júre beredi. Men shyn­dyqqa týra qaraıtyn adammyn.

– Jekpe-jektiń tartysty bolýy boksshynyń stıline baılanysty ekeni belgili. Al­da Mýra­tadan ne kútesiz? Qan­daı jek­pe-jek kóremiz?

– Mýratanyń qabiletin baǵa­lamaýǵa áste bolmaıdy. Onyń ústine jekpe-jek keshi Japonııada ótedi. Táji­rıbemiz kórsetkendeı, Japonııada biz kútpegen, tosyn jaǵdaılar bolýy múmkin. Ol bizdiń jekpe-jekti odan da qyzyqty etedi. Meniń oıymsha, shynynda jekpe-jekti ja­saı­tyn – boks máneri. Bizde bol­­jaý qıynǵa soǵatyn óte ashyq ári qyzyqty eki túrli stıl bar. Biz kórermenderge, jan­kúıerlerge tamasha boks keshin, boks merekesin syılaımyz dep úmittenemin. Jalpy, boks álemi úshin bul bıylǵy eń úzdik jekpe-jekterdiń biri bolady.

– Jeke óz basym, men sizdi áli de jeńilmegen boksshy dep esepteımin. Muny bizdiń shoýǵa qatysyp jat­qandyqtan aıtyp jatqan joqpyn. Men bul oıymdy ESPN telearnasynda da aıtqanmyn. «Kanelomen» ótken eki jekpe-jekte de siz jeń­dińiz dep eseptedim. Menińshe, siz birinshi aıqasta ony qýyp júrip sabadyńyz, bylaısha aıtqanda, Golovkın boldyńyz. Al ekinshisinde basqasha ju­dyryqtasyp, djebpen «taıaq jegizdińiz». Qazir osy eki aıqas týraly ne oılaısyz? Maǵan jáne kó­rermenderge osy jekpe-jekke kózqarasyńyzdy túsin­dirip berseńiz. Sizdiń artqa qa­ıyrylmaıtynyńyzdy bilemiz. Biraq nege tóreshiler sizdiń upaıy­­ńyzdy urlady? Ashyǵyn aıt­qanda, olar birinshi aıqasta da, ekinshi jekpe-jekte de sizdi tonady. Onyń (Alvares) bızneste aqsha generatory ekenin bilgende qandaı sezimde bolasyz? Osy suraqqa ózińizge qo­laıly túrde jaýap berseńiz.

– Ol jekpe-jekter týraly aıtý meniń janymdy jara­lamaıdy. Muny únemi aıtyp ta júrmin. Shyntýaıtynda, shyndyq eshkimge kerek emes ekenin bilemin. Biraq shyndyqty aıtyp, óz ustanymynda qalatyn adamdardy qurmetteımin. Bul adamnyń jaqsy qasıeti dep oılaımyn. Kim ne dese, o desin, osy eki jekpe-jekte de men jeńiske jettim. Adamdarda kóp jaǵdaıda ekijúzdilik basym bolady. Onyń qandaı ekenin aıtaıyn ba? Iаǵnı biz turǵan bıznestiń (bokstyń) erejesinde osyndaı jaǵdaılar kezdesetin bolsa, onda ol jumys isteıdi degen sóz. Tek sony túsiný kerek. Bul jerde ony jaman ne jaqsy dep aıtýdyń ózi artyq. Tek ol bıznes erejeleriniń biri ekenin túsiný qajet.

– Sizdi uzaq ýaqyt boıy Abel Sanches jattyqtyrdy. Qa­zir Djonaton Benkstiń qol as­tynda jattyǵasyz. Aıyr­ma­shylyq qandaı?

– Qazir meniń aınalamda óte bilikti mamandar shoǵyrlanǵan. Sporttyń kez kelgen túrinde jetilý kerek, damý kerek. Barlyq jaǵynan. Meniń keremet dıetologym bar. Ol meniń jaǵdaıym nasharlaýy úshin emes, jaqsarýy úshin qajet. Seniń janyńda myqty mamandar, komanda bolsa, olar seni kúshtirek etedi. Saǵan kómektesedi. Qazirgi ýaqytta sol mamandardyń bári menimen jumys isteıtindeı múmkindigim bar.

Suraqqa keler bolsaq: «Djo­naton Benkstiń Abel Sanches­ten aıyrmashylyǵy qan­daı?». Meni durys túsinińizder, men qazir bul jerde bireýdi jamandap, ekinshisin maqtaǵym kelmeıdi. Abel týraly da, Benks týraly da jaqsy pikirdemin. Olar – dúnıetanymy bir-birine uq­samaıtyn múldem kereǵar adamdar. Abelge maǵan jasaǵan jaq­sylyqtary, bergen tájirıbesi úshin alǵysymdy bildiremin. Men ony baǵalaımyn. Qazirgi ýaqytta men Djonaton Benkspen jumys istep jatyrmyn. Oǵan da alǵysym shek­siz, ony da jattyqtyrýshym retinde, jetekshim (ustazym) retinde qurmetteımin. Bul – ómir­diń bir kezeńi. Buryn bolǵannyń bárin umytyp, jańa nárse úırenip jatyrmyn deý durys emes. Bul – tek bilgenimdi jetildirý. Odan tek jaqsara, damı túsemin dep oılaımyn.

Daıyndaǵan

Álı BITО́RE,

«Egemen Qazaqstan»