Boks • 04 Sáýir, 2022

Jekpe-jek ýaqyty belgilendi

39 ret kórsetildi

Orta salmaqta óner kórsetetin qazaq­standyq boksshy Jánibek Álimhanuly kezekti jekpe-jegin 21 mamyrda AQSh-ta ótkizetin boldy. Bul týraly amerı­kalyq ınsaıder Den Rafael men otan­dasymyzdyń komandasy resmı túrde málimdedi.

Buǵan deıin jazǵanymyzdaı, Jánibek Álimhanuly (11-0, 7 KO) brıtanııalyq Dennı Dıgnýmmen (14-0-1, 8 KO) WBO beldiginiń «ýaqytsha» chempıony ataǵyn sarapqa salady. 2016 jyldan beri kásipqoı boksta baq synap kele jatqan Dennı Dıgným búginge deıin 14 márte sharshy alańǵa kóterilip, 13 kezdesýinde jeńiske jetken. Tek bir aıqasy teń eseppen aıaqtaldy. Sondaı-aq ol barlyq jekpe-jegin Anglııada ótkizgen. Otandasymyzǵa qarsy shyǵatyn 15-shi aıqasyn ol alǵash ret ózge elde ótkizgeli tur. Brıtanııalyq boksshy eń keıingi kezdesýinde reseılik Andreı Sırotkınmen judyryqtasyp, tóreshiler sheshimimen teń túsken bolatyn. Al dál osy A.Sırotkındi aqpan aıynda qazaqstandyq boksshy Meıirim Nursultanov tehnıkalyq nokaýtpen jeńgen edi.

Ázirshe Álimhanuly men Dıgným arasynda ótetin jekpe-jektiń orny anyqtalyp jatyr. Áıgili ınsaıder Den Rafaeldiń málim­deýinshe, bul teketires ESPN tele­arna­syndaǵy boks keshiniń basty oqı­ǵasy bolady. Aıta keteıik, boksshylar orta salmaqta WBO tı­týlynyń «ýaqytsha» chempıondyq bel­­digin sa­rapqa salady, al bul dıvızıondaǵy IBF jáne IBO belbeýi Gennadıı Golovkınge tıesili.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar