О́zbekstan Úkimeti jarııalaǵan qaýlyda bılik memlekettik rezervke syrtqy naryqtan 600 myń tonna bıdaı satyp alýǵa nıetti ekeni jazylǵan. Onyń ishinde bıyl sáýir-shildede Qazaqstannan 100 myń tonna bıdaı satyp alý jospary kórsetilgen.
«Usynys maquldansyn... Sáýir-shildede Qazaqstannan úshinshi surypty 100 myń tonna bıdaı (osy kólemniń bir bóligi – un) qolaıly baǵamen ımporttaý», dep jazylǵan lex.uz ulttyq zańnama bazasynyń saıtynda jarııalanǵan qujatta.
Qujatqa О́zbekstan mınıstrler kabıneti janyndaǵy memlekettik rezervterdi basqarý komıteti men Qazaqstannyń Azyq-túlik kelisimshart korporasııasy qol qoıady dep josparlanyp otyr.
