Jazǵy mektepke 9-11 synyp oqýshylary ǵana qatyspaıdy. Sebebi olar bul ýaqytta emtıhan tapsyrady.
Sondaı-aq jazǵy sabaqtar ádettegi formattan ózgeshe ótedi. Máselen, matematıka, fızıka, aǵylshyn tili jáne ózge mańyzdy pánder boıynsha ıkemdi oqý kestesi uıymdastyrylyp, sabaqtar murajaılarǵa jáne ekskýrsııalarǵa barý túrinde de ótedi.
«Jazǵy mektepte oqýshylarǵa baǵa qoıylmaıdy jáne úı tapsyrmasy berilmeıdi. Jazǵy ýaqyttaǵy oqý barynsha qyzyqty ári mazmundy ótý úshin barlyq jaǵdaı jasalady. Keı balalar repetıtorlarmen aqyly kýrstarǵa baryp, qosymsha bilim alady. Osy oraıda jazǵy mektep bilimdi shyńdaýdyń jaqsy múmkindigi. О́ıtkeni, óz muǵalimderi oqýshylarynyń kúshti jáne álsiz jaqtaryn ózgelerden jaqsy biledi», dedi Gúlmıra Kárimova.
