«Qaıǵyly qańtar oqıǵalaryn tergeýmen arnaıy prokýrorlar basshylyǵymen vedomstvoaralyq jedel tergeý toptar aınalysyp jatyr. Olardyń óndirisinde 262 qylmystyq is bar. Onyń ishinde 44 terrorızm aktisi, jappaı tártipsizdik boıynsha 47 is qozǵalǵan. Osy qylmystardy uıymdastyrýshylar men qatysýshylardy anyqtaý jáne jaýapqa tartý boınysha barlyq qajetti sharalar qabyldanyp jatyr. Búgingi tańda 547 adam jappaı tártipsizdikti uıymdastyrýǵa jáne oǵan qatysqany úshin kúdikti dep tanyldy. Onyń 269-y qamaýda. Jalpy el boıynsha tergeý organdary 3702 qylmystyq isti tergeý ústinde. Onyń basym kópshiligi urlyq, tonaý, qarýlardy jymqyrý jáne basqa qıyn emes qylmystar», dedi ol ortalyq kommýnıkasııalar qyzmetinde ótip jatqan brıfıngide.
Sondaı-aq Bas prokýratýra ókili qajetti tergeý áreketteri júrgizilgennen keıin ister sotqa birden joldanyp jatqanyn atap ótti.
«Osy qylmystar úshin 152 adam sottaldy», dedi Eldos Qılymjanov.
