«Aýyl sharýashylyǵy óndirýshilerinen jáne Jambyl oblysy ákimdiginen túsken ammofos baǵasyn kóterý týraly shaǵym negizinde Básekelestikti qorǵaý jáne damytý agenttigi «Qazfosfat» JShS-na qatysty tergep-tekserý júrgizip jatyr», delingen habarlamada.
Vedomstvo málimetinshe, ammofosty bastapqy satý naryǵyndaǵy básekelestik jaǵdaıyn taldaý barysynda «Qazfosfat» JShS ústem jaǵdaıǵa ıe ekeni anyqtalǵan.
«2021 jylǵy qarashada ammofos baǵasy 125 000 teńgeden 168 750 teńgege deıin ósti. Jyl basymen salystyrǵanda ósim 35 paıyz boldy. Bul rette 2022 jylǵy qańtarda baǵa 185 625 teńge boldy. 2021 jylǵy qańtarǵa qatynasy boıynsha baǵanyń ósýi - 48,5 paıyz.
Sonymen qatar taýardy óndirý jáne satý úshin qajetti shyǵystardyń ózgerýi taýardy satý baǵasynyń ózgerýine sáıkes kelmeıdi. Tergep-tekserý barysynda «Qazfosfat» JShS ústem jaǵdaıdy teris paıdalana otyryp, ammofosty monopolııalyq joǵary baǵa boıynsha satqany anyqtaldy, bul óz kezeginde túpkilikti ónimniń baǵasyna, sondaı-aq jalpy satyp alý qabiletine áser etedi», delingen habarlamada.
Qazirgi ýaqytta tergep-tekserý nátıjeleri boıynsha qorytyndy joba «Qazfosfat» JShS-ne jiberilgen. Zań boıynsha jaýapkershilik týraly másele tergep-tekserý qorytyndysynan keıin sheshiletini habarlandy.
Buǵan deıin Túrkistan oblysynda fermerler men baǵbandar tyńaıtqysh qymbattaǵanyna shaǵymdanǵan bolatyn.
