Aqmola oblysynyń sportshysy, «Mergen» fızıkalyq múmkindikteri shekteýli adamdarǵa arnalǵan sport klýbynyń tárbıelenýshisi Alına Sınelnıkova 400 metr qashyqtyqqa erkin júzýden kúmis júldeni ıelendi. 200 metrge keýdemen júzýde Alına 3.20.54 nátıjesimen Azııa rekordyn ornatty.
Alınanyń jattyqtyrýshysy Djanna Zaıseva men Anna Sımonına qazaqstandyq sportshy elimizdiń halyqaralyq dárejedegi sport sheberiniń sport razrıadyn oryndaǵanyn aıtty. Sáýir aıynyń basynda Berlınde parajúzýden jarys ótip, onda 47 elden 300-den astam sportshy baq synady.
Sportshylar Portýgalııadaǵy álem chempıonaty men bıyl kúzde Qytaıda ótetin Azııa paraoıyndaryna joldama alý úshin talasty. Chempıonatqa Qazaqstan atynan tórt parajúzýshi – Aıbek Iskra, Alına Sınelnıkova, Ivan Shepov jáne Tokıodaǵy Paralımpıada oıyndarynyń qola júldegeri Nurdáýlet Jumaǵalı qatysty.
Berlınde Qazaqstan parasportshylary barlyǵy 4 kúmis jáne 2 qola medaldi jeńip aldy.
