Aımaqtar • 06 Sáýir, 2022

Qaraǵandy qarǵyn sýdyń aldyn aldy

34 ret kórsetildi

Naýryz aıynyń sońyna taman qar molynan jaýyp, odan keıin kún kúrt jylydy da, Qaraǵandy qalasyndaǵy Ońtústik-Shyǵys shaǵyn aýdanynyń syrtyndaǵy oıpań jerlerde qarǵyn sýdyń mol qory paıda boldy, dep jazady Egemen.kz oblys ákiminiń baspasóz qyzmetine silteme jasap.

Aýlalar men kóshelerdi sý basý qaýpiniń aldyn alý maqsatynda tótenshe jaǵdaı jáne kommýnaldyq qyzmetter kúshimen eki jasandy bóget salynǵan bolatyn. Biraq soǵan qaramastan, sýdyń birshama bóligi qalanyń shetki kóshelerine enip ketti. Osyǵan baılanysty, elektr symdarynyń tuıyqtalý qaýpi tóngendikten, jertólesine sý kirgen birneshe úıdiń turǵyny qaýipsiz jerlerge kóshirildi.

Sondaı-aq Á.Bókeıhan aýdanyndaǵy kópqabatty úılerdiń janyndaǵy topyraq úıindisin eki jerden sý buzyp ótip, birneshe úıdi sý basý qaýpi tóndi. Sol sebepti, qutqarýshylar mańaıdaǵy úılerdiń turǵyndaryn jaqyn jerdegi №56 orta mektepke kóshirdi.

Qaraǵandy qalasynyń ákimi Ermaǵanbet Bólekpaev erigen qar sýy jınalǵan jerlerde kommýnaldyq qyzmet brıgadalary men qutqarýshylardyń ýaqytpen sanaspaı, kúni-túni jumys istep jatqanyn aıtady.

– Qaladaǵy Táttimbet - Muqanov kósheleriniń qıylysynda onshaqty júk tıegish, 35 júk tasyǵysh kóligi, 50-ge tarta adam jumys istep júr. Túski ýaqytta aqqan sý keshegiden úsh esedeı kúshti boldy. Eki birdeı bógetti bekitken edik,  olar kemerine deıin tolyp, sý basý qaýpi paıda boldy. Buǵan jol bermeý úshin biz eki jerden oıyq jasadyq, – dedi qala ákimi qalyptasqan jaǵdaıǵa túsinik berip.

p

Mine, osyndaı jedel árekettiń nátıjesinde kommýnaldyq qyzmetter aýlalarǵa baryp jatqan sý aǵynyn toqtata aldy. Al tún mezgilinde úıindi bilikter nyǵaıtyldy. Degenmen, qarǵyn sýdyń mol bolǵandyǵy sonsha, sý aǵynynyń boıyndaǵy birneshe úıge zaqym kelip, jertólelerge sý tolyp ketti. Qazirgi ýaqytta sýdy sorǵylaýmen úsh brıgada aınalysýda.

Jalpy, sý tasyǵan kezden beri Qaraǵandyda káriz aǵyndary, qarǵyn jáne jer asty sýlarynyń aýlalar men kóshelerdi basýy týraly 194 habarlama tirkeldi. Apatty jaǵdaıdyń aldyn alý jumystaryna jergilikti atqarýshy organdardyń, jol uıymdarynyń, «Qaraǵandy Sý» JShS jáne oblystyq TJD-niń kúshteri men quraldary tartylyp, 206 adam men 85 tehnıka birligi jumyldyryldy.

Keshe Qaraǵandy oblysynyń ákimi Jeńis Qasymbek Ońtústik-Shyǵys shaǵyn aýdanyndaǵy sý basqan kóshelerdi aralap, shıelenisti jaǵdaımen jan-jaqty tanysty. Tıisti tapsyrmalar berip, ahýaldy tikeleı óziniń baqylaýynda ustaıtynyn aıtty. Qazirgi ýaqytta qutqarýshylar tasqynnan keletin eleýli qaýiptiń joqtyǵyn aıtyp otyr. О́ńirdegi sý tasqynynyń jaǵdaıy táýlik boıy baqylaýǵa alynǵan.

p

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar