Máseleni QR Parlamenti Májilisiniń depýtaty Zarına Kamasova kóterdi. Ol densaýlyq saqtaý mınıstrligi pasıentterdi dári-dármekpen úzdiksiz qamtamasyz etýdi qalaı josparlap otyrǵanyn surady.
«Geosaıası jaǵdaı óte kúrdeli, biraq dári-dármekterdiń 94%-y satyp alyndy. Búgingi kúni dárilik preparattardyń barlyq kóleminiń 50%-y «SK-Farmasııa» qoımalary men habtaryna jetkizildi, maýsym aıynyń sońyna deıin pasıentterdi emdeýge arnalǵan dárilik preparattar jetkilikti. Ýkraına jaıly aıtatyn bolsaq, dárilik preparattardyń 1,6%-y Ýkraınadan jetkizilgen. Jyl basynda Ýkraınadan kelgen jetkizýshiler bizge osy kólemniń 40%-dan 70%-na deıin dári-dármek berdi. Búgingi tańda zaýyttar jabyldy, biz qazir birjaqty tártipte kelisimsharttardy buzyp, qalǵan kólemde konkýrstar ótkizemiz», dedi QR Densaýlyq saqtaý mınıstri Ajar Ǵınııat.
Sondaı-aq, DSM basshysy vedomstvo qazir dárilik preparattardyń shekti baǵalaryn ındeksteýdi qaıta qarap jatqanyn habarlady.
