Amanat jańartý jumysyn bastady

Ashat Oralov 1 naýryzda ót­ken sezde Memleket basshy­sy Qasym-Jomart Toqaev par­tııa­ny jańǵyrtýdyń, onyń ishin­de ne­gizgi baǵdarlamalyq qujat­tar­dy qaıta qaraý boıynsha ba­sym­dyqtardy belgilegenin atap ótti.

Osyǵan oraı árbir baǵdarla­ma­lyq qujat boıynsha jeke jumys toptary quryldy. Par­tııa­nyń saıası tuǵyrnamasyn jańar­tý jónindegi jumys toby­nyń jetekshisi bolyp Máji­lis depýtaty, Amanat fraksııa­sy­nyń múshesi Aıdos Sarym taǵa­ıyn­daldy. 2030 jylǵa deıingi «Baqýatty qoǵam: onjyldyqtyń 10 maqsaty» baǵdarlamasyn jańartý jónindegi jumys tobyna Májilis depýtaty Saıasat Nurbek jetekshilik etedi. Al 2025 jylǵa deıingi baǵdarlama boıynsha jumys tobynyń jetek­shisi Májilis depýtaty Erlan Saıyrov boldy.

Jumys toptarynyń quramy­na Senat pen Májilis depýtattary, partııa Saıası keńesiniń mú­sheleri, sarapshylar qoǵamdas­tyǵynyń, úkimettik emes uıym­dardyń ókilderi, ýákiletti mem­lekettik organdar men «Ata­meken» ulttyq kásipkerler palatasynyń ókilderi endi.

«Partııanyń qundylyqtary men basym­dyqtary belgilengen saıası plat­forma 2013 jyly qabyl­dandy. Jańar­tylǵan qujat­ta qo­ǵam­da qalyptasyp jat­qan jańa qun­­dylyqtardy aıshyq­tap, azamattar­dyń óz­geris­terge degen barlyq suranys­taryn barynsha eskerý qajet», dedi partııanyń atqarýshy hatshysy.

A.Oralov «Baqýatty qoǵam: onjyl­dyqtyń 10 maqsaty» baǵdar­lamasynda pandemııa, qańtardaǵy oqıǵalar jáne geosaıası ahýaldyń shıelenisýine baı­lanysty qazirgi zamanǵy syn-qater­ler men qaýipterdi eskere otyryp, tujyrymdamalyq tásilderdi muqııat pysyqtaý qajettigin atap ótti.

Sybaılas jemqorlyqqa qarsy is-qımyl baǵdarlamasy boıynsha jumys tobynyń basty mindeti – qoǵamda sybaılas jemqorlyqqa múldem tózbeý­shilikti qalyptastyrýǵa, memleket pen qoǵamdy osy áleýmettik zulym­dyqpen kúreske jumyldyrýǵa baǵyttalǵan naqty usynystar ázirleý.

О́ńirlik fılıaldardan jáne par­tııanyń máslıhattar men Máji­listegi depýtattyq fraksııa múshe­leri­nen usy­nystar jınaý qysqa mer­zimde uıym­das­tyrylady. Baǵ­dar­lama jobalary túrli dıalog alańdarynda, saraptamalyq kezdesýlerde, onyń ishinde onlaın-formatta da talqylanbaq.

О́z kezeginde Májilis depýtaty Erlan Saıyrov qazirgi tańda qoǵamda óz­geristerge degen suranys ta, tıisinshe par­tııa­larǵa qoıylatyn talap-tilek te óte joǵary ekenin atap ótti. «Árıne, óz­geris qajet. Biraq sabaqtastyq bolýy kerek. Sondyqtan biz ótken­niń jaq­­­sy­syn ala otyryp, bolashaqqa qadam ja­saımyz», dedi E.Saıyrov. Ke­ńes ba­­ry­synda Aıdos Sarym, Saıa­sat Nur­bek jáne basqa da jumys toptary­nyń músheleri óz oılaryn ortaǵa saldy.