Ulandyqtar alǵysqa bólendi

«Ońtústik» óńirlik qol­bas­­shylyǵynyń áskerı bó­lim­deri 4 joǵalǵan balany tapsa, «Shyǵys» – 2, «Ortalyq» – 3, «Batys» 3 kámeletke tolmaǵan jet­kin­shekti ata-analarymen aman-esen qaýyshtyrǵan. Joǵalǵan balalardyń kóp­shi­ligin elordalyq 5573 ás­kerı bóliminiń áskerı qyz­metshileri tapqan. Olar 10 balanyń esen-aman otbasyna oralýyna sebepker bolǵan.

О́tken jyly elordada tirkelgen sońǵy oqıǵany alaıyq. Patrýldik top­tyń bastyǵy kishi ser­ja­nt Azamat Kárimov pen qa­tar­­da­ǵy jaýynger Suńǵat­ Júkenov 6 qazan kúni keshke marshrýttardy tek­­s­erýge shyǵady. Qo­naev-Dostyq kóshe­le­riniń qıyly­syn­da­ǵy baǵdar­sha­mǵa kelgende olar jal­ǵyz ózi júrgen mektep oqýshysyn kóredi. Oqýshy «Báıterek» moný­mentiniń janynda úl­ken­derdiń qaraýynsyz jal­ǵyz qalyp qoıǵan kó­ri­ne­di. Adasyp ketip, qat­ty qo­bal­jyp turǵan bala óziniń naqty qaıda tura­ty­nyn da aıta almaǵan. Sondyqtan ulandyqtar ony jaqynda ornalasqan týrıstik polısııa beketine aparady.

Keıinnen segiz jasar oqý­shynyń ata-anasy ony saǵat 16.00-den bas­tap áleýmettik jeliler arqyly izdeı bastaǵany belgili bolady. Qalanyń qalyń nópiriniń ishinde adasyp ketken bala birinshi synypta oqıdy eken. Sol kúni oqýshy aǵasyn mektep janynda kútpesten óz betinshe erterek ketip qal­ǵan kórinedi.

Oqıǵa ornyna kelgen anasy men ákesi uldarynyń aman-esen tabylǵanyna qýanyp, Ulttyq ulannyń áskerı qyzmetshilerine alǵystaryn bildirdi.

Dál sol kúni keshkisin Qoshqarbaev kóshesiniń bo­ıynda quramynda qatar­da­ǵy jaýynger Murat Qar­­jaýov pen patrýl­dik Alpamys Nábı men Sarjan Qylysh­baı bar áskerı jasaq 10 jasar qyz­dy baıqap qalady. Baldyrǵan qosymsha sabaq­tan shyqqannan keıin joldan adasyp qalǵan. Tár­tip saqshylary qyzdyń ákesi­niń telefon nómirin anyq­tap, habarlasyp, óz­de­ri turǵan jerdi aıtady.

Biraz ýaqyttan keıin azamat aıtylǵan meken­jaıǵa kelip, áskerı qyz­met­shi­lerge, sondaı-aq Ulttyq ulannyń 5573 áskerı bóli­mi­niń qolbasshylyǵyna al­ǵy­syn bildirdi.

«Balalardyń joǵalý deregi kóbine jazda jıi kez­desedi. Ásirese, qalalyq saıabaqtarda, mereke oryndarynda, otbasylyq demalys kezinde balalar qa­raý­syz qalyp qoıady. Balalar ádette birnársege alańdap ata-analarynan ajyrap qalady, keıde basqa jaqqa júgirip ketedi. Ata-analar balalaryn óz betinshe taba almaıtyn jaǵdaılar kóp. Áskerı jasaqtar árqashan jalǵyz júretin balalarǵa nazar aýdarady. Ulandyq jaýyngerler olarmen aman­dasady, sóılesedi, kim­men júrgenderin su­raı­dy. Balalar áskerı for­madaǵy adamdarǵa senedi. Sondyqtan olar joǵa­lyp ketkenin nemese úılerine qaraı jol taba almaı júr­ge­nin jasyrmaı aıtady. Mundaı kezderi biz dereý shara qoldanyp, balalardy jaqyndaryna qaıtaramyz. О́ıtkeni bala – ár ata-ana úshin eń qymbaty», deıdi Ulttyq ulan jaýyngerlik qyzmet Bas basqarmasynyń aǵa ofıseri Ermek Turǵy­nov.