foto: Zakon.kz
«Tergeý anyqtaǵandaı, qylmystyq top 5-6 qańtarda Almaty qalasynyń kóshelerinde azamattardy uryp-soǵyp, erkinen tys «Qazaqstan» ǵımaratynda ornalasqan Ball Room meıramhanasynyń, sondaı-aq Esentai Tower bıznes ortalyǵynyń avtoturaǵynda ustaǵan. Keıin ustalǵandardyń biri alǵan jaraqattarynan kóz jumdy», dep jazdy Almaty polısııa departamentiniń baspasóz qyzmeti.
Vedomstvo ókili zardap shekkenderdiń kópshiliginiń aty-jóni anyqtalǵanyn, tergeý amaldary júrgizilgenin málimdedi. Alaıda bolǵan oqıǵalardyń tolyq kórinisin anyqtaý úshin kýálar men jábirlenýshilerdiń aıǵaqtary qajet.
Osy qylmystyq áreketterden zardap shekkenderdiń barlyǵyn, sondaı-aq osy oqıǵalardyń kýágerlerin Almaty qalalyq polısııa departamenti Almaty qalasy prokýratýrasynyń myna mekenjaıdaǵy ǵımaratyna kelýin suraıdy: Jeltoqsan kóshesi, 189. Baılanys telefondary: +7 775 888 03 65; +7 775 644 95 96.
Aqpan aıynyń sońynda áleýmettik jelide Arman Jumageldıevke (Dıkıı Arman) uqsaıtyn er adam beınelengen vıdeo paıda boldy. Qonaq úı foıesinde túsirilgen vıdeoda belgisiz er adamnyń soqqyǵa jyǵylǵany kórsetilgen. Boljam boıynsha, kadrlar qańtardaǵy búlik kezinde túsirilgen.
