Basqarma basshysynyń aıtýynsha, qazirgi kezde Savınka aýylynda 14 iri qaradan synama alynyp, Nur-Sultan qalasyndaǵy Veterınarııa boıynsha Ulttyq reverenttik ortalyqtyń zerthanasyna jiberilgen.
«Aýyl boıynsha aýrýǵa shaldyqqan barlyǵy 14 iri qara bar. Onyń barlyǵy jeke qoradaǵa sıyrlar. Ár maldan synama alynyp, aýrýdyń sebebin anyqtaý úshin Nur-Sultan qalasyndaǵy Veterınarııa boıynsha Ulttyq reverenttik ortalyqtyń zerthanasyna jiberildi. Aýrýdyń belgileri aýsylǵa uqsaıdy. Sıyrlardyń aýyzdary kópirip, jem-shóp jemeıdi. Qazirgi kezde, mal dárigerlerimiz aýrý maldyń aýzyn arnaıy eritindimen shaıyp, klınkalyq em jasaýda», - dedi basqarma basshysy.
Sonymen birge, basqarma basshysy osyndaı aýrý ótken jyly oblystyń 14 aýdany men Stepnogor qalasyndaǵy iri qarada tirkelgenin atap ótti.
Onyń sózinshe, aldaǵy mamyr aıynda óńirdegi iri qaraǵa vaksınasııa salý josparlanǵan eken. Alaıda, úkimetten aqpan jáne naýryz aılarynda jiberiletin vaksına áli keshiktirilip otyrǵan kórinedi.
