Is-sharaǵa Prezıdent Ákimshiligi Basshysynyń orynbasary Aıda Balaeva, Qorǵanys mınıstri general-leıtenant Rýslan Jaqsylyqov, Ishki ister mınıstriniń orynbasary – Ulttyq ulannyń bas qolbasshysy, general-maıor Erkin Botaqanov, Qazaq ulttyq óner ýnıversıtetiniń rektory Aıman Musaqojaeva jáne bir top mádenıet qaıratkerleri qatysty.
«Bir qaraǵanda, bul alańda ártúrli baǵyttaǵy ókilder alǵash ret kezdesip otyrǵan sııaqty. Alaıda olardy biriktiretin úlken ortaq qundylyq bar. Ol – rýhanııat pen ıdeologııa, – dep atap ótti konferensııanyń ashylýynda Aıda Balaeva. – Áskerı jáne shyǵarmashylyq pen mádenı, ǵylymı qoǵam úshin bul uǵymdar árqashan erekshe. О́ıtkeni jastardy rýhanı-adamgershilik jáne patrıottyq turǵyda tárbıeleý – bárimizden birlik pen yntymaqty talap etetin basty mindet».
«Balalardyń boıyna patrıottyq rýh beretin qasıetti darytyp tárbıeleýdegi áskerdiń róli, bala kúninen Otan qorǵaýshy bolýǵa degen umtylysy mańyzdylyǵyn joǵaltqan emes» deıdi Aıda Balaeva. О́ıtkeni armııanyń jaýyngerlik rýhy, onyń jaýyngerlik qabileti patrıotızmge, sarbazdar men ofıserlerdiń halyqtyń ıgiligi úshin atqaratyn uly mıssııaǵa degen shynaıy senimine baılanysty. Bul turǵyda áskerı-patrıottyq tárbıeniń mańyzy zor.
Qorǵanys vedomstvosynyń basshysy qazirgi dáýir shyndyǵy jastar men áskerı qyzmetshilerdi tárbıeleý nysandaryn jetildirýdi talap etetinin atap ótti. Bul baǵytta olardy mádenıet pen ónerge baýlý asa mańyzdy.
«Endi bir aıdan keıin bizdiń Qarýly Kúshterdiń qurylǵanyna 30 jyl tolady. Bul – Qarýly Kúshterdiń barlyq jaýyngerleri, sonyń ishinde barlyq qazaqstandyq laıyqty atap ótýge tıis aıtýly mereke. Áskerı qyzmettiń táýekelden turatynyn bárińiz de bilesizder. Eger tehnıkanyń, qarý-jaraqtyń, ótetin oqý-jattyǵýlardyń, atystardyń, avıasııa ushýlarynyń kóptegen bóligin alyp tastasaq ta, jas, deni saý jigitterimizdiń shekteýli keńistikte uzaq ýaqyt birge bolýy táýekel ekeni túsinikti», dedi general-leıtenant Rýslan Jaqsylyqov.
Qorǵanys mınıstriniń aıtýynsha, Memleket basshysynyń «Jańa Qazaqstan» ıdeıasy aıasynda qoıǵan mindetterin eskere otyryp, armııa jeke tulǵany qalyptastyrýǵa, jastardy tárbıeleýge, áskerı-patrıottyq klýbtar qurýǵa jáne olardy odan ári damytýǵa, úıirme jumystaryn ashýǵa, shyǵarmashylyq is-sharalarǵa belsene qatysa otyryp, patrıottyq sezimdi qalyptastyrýǵa atsalysýǵa tıis. Sonymen birge patrıotızmge búkil azamattyq qoǵam tárbıeleýi kerek, óıtkeni áskerge jastar dúnıetanymy qalyptasqan tulǵa retinde keledi.
Qorǵanys mınıstri búgingi tańda áskerlerde mádenı-demalys jumystaryn aıtarlyqtaı kúsheıtý qajettigi týyndap otyrǵanyn atap ótti.
«Eger osyndaǵy rejısserler, teatr, kıno, teledıdar qyzmetkerleri bilimi men talantyn jurtqa tanytyp júrgen kisilerdiń bári tájirıbelerin bólisip, osy jumysty uıymdastyrýǵa jáne júrgizýge qol ushyn berse, paıdasyn tıgizer bolar edi», dedi R.Jaqsylyqov.
Konferensııaǵa qatysýshylar Qarýly Kúshterde teatr ónerin, beıneleý jáne ádebı shyǵarmashylyqty, horeografııalyq daıyndyqty jáne mádenıettiń basqa da baǵyttaryn damytý máselelerin talqylady. Bul úshin Ulttyq áskerı-patrıottyq ortalyqtyń materıaldyq jáne shyǵarmashylyq bazasy negiz bolýǵa kerek.
Qazaqstannyń Qarýly Kúshterinde tárbıe jáne ıdeologııalyq jumystary organdary, quramyna Qorǵanys mınıstrliginiń Ortalyq ansambli, Ortalyq áskerı orkestri jáne Memlekettik áskerı-tarıhı murajaıy bar Ulttyq áskerı-patrıottyq ortalyq qurylyp, jumys istep jatqanyn atap ótken jón. Áskerı-patrıottyq tárbıe baǵytynda olar aýqymdy jumystar atqaryp keledi.
Jıynǵa qatysýshylar Qorǵanys mınıstrliginiń bastamalaryn qoldap, olardy júzege asyrýǵa barynsha járdemdesýge daıyn ekenin jetkizdi.
Kezdesý qorytyndysynda jastardy áskerı-patrıottyq tárbıeleý, áskerı qyzmetshilerdiń mádenı jáne shyǵarmashylyq áleýetin arttyrý máseleleri boıynsha birlesken is-sharalar jospary ázirlenedi.
