Kópjaqty forýmdar jumysyna qatysty

Qazaqstan Respýblıkasynyń Syrtqy ister mınıstri Erlan Ydyrysovtyń Reseı Federasııasyna resmı sapary bolyp ótti. Máskeýge sapary aıasynda, reseılik áriptesterimen ekijaqty kezdesýlerden basqa, elimiz syrtqy saıasat vedomstvosynyń basshysy kópjaqty forýmdar jumysyna qatysty. Ujymdyq qaýipsizdik sharty uıymy Syrtqy ister mı­nıs­trleriniń keńesine qatysyp, onyń sheńberinde UQShU-ǵa múshe memleketterdiń syrtqy ister mınıstrleri syrtqy saıası qyzmetti úılestirý qyrlaryn, halyqaralyq jaǵdaıdyń negizgi damý úrdisterin, sonymen qatar, Uıymnyń jaýap­kershiligi aıasyndaǵy basqa da qaý­ip­sizdikti qamtamasyz etý máse­lelerin talqyǵa saldy. Otyrys qorytyndysy boıynsha UQShU-ǵa múshe memleket­ter ókilderiniń syrtqy saıasat, qaýipsizdik jáne qorǵanys máse­leleri jónindegi Keńesý jospary bekitildi. Sondaı-aq, UQShU Syrt­qy ister mınıstrleri keńesiniń Aýǵanstandaǵy prezıdent saılaýyna baılanysty jáne Sırııadaǵy ahýal boıynsha Bir­lesken málimdemesi bekitilip, uıym­dastyrý jáne úderistik sı­pat­taǵy birqatar sheshimder qa­byldandy. UQShU SIMK-niń kelesi otyrysy 2014 jyldyń ekinshi jartysynda UQShU memleket basshylary deń­geıindegi Ujymdyq qaýipsizdik keńesiniń kezekti sessııasynyń qarsańynda Máskeýde ótetin bolady. E.Ydyrysov TMD Syrtqy ister mınıstrleriniń kezekti keńe­sine qatysty. Syrtqy saıasat ve­domstvolarynyń basshylary ha­lyqaralyq saıasattaǵy ózekti  máselelerdi, sonyń ishinde Ýkraı­na­daǵy sońǵy jaǵdaılardy talqyǵa saldy. 2013 jylǵa arnalǵan TMD aıa­syndaǵy kópdeńgeıli SIM-ara­lyq keńesterdiń josparyn iske asyrý barysy qarastyryldy. Atalǵan qujat 10 konsýltasııalardy, sonyń ishinde BUU, EQYU sheńberindegi ózara yqpaldasý máseleleri jóninde keńes ótkizý, qarý­syzdaný salasyndaǵy ynty­maq­tastyq jáne basqa da máse­lelerdi qamtıdy. Otyrys barysynda esirtki aınalymyn halyqaralyq qada­ǵa­laý júıesin saqtap qalý jáne ny­ǵaıtý jóninde TMD SIMK-niń Málimdemesi qabyldandy. On­da BUU-nyń ortalyqtanǵan úı­­les­tirýshi rólin kúsheıtý qa­jet­tiligi atap ótilip, ǵalamdyq esirt­ki trafıgi máselelesin sheshý­de halyq­aralyq kúsh-jigerdiń tıim­di­li­gin arttyrý joldary týraly konstrýk­tıvti ún­qatysýǵa daıyn ekendigi rastaldy. Kún tártibi máseleleriniń biri TMD-nyń joǵary organdary – memleket basshylary keńesi men Úkimet basshylary keńe­si­niń mazmundyq bóligin daıyndaý boldy. Osyǵan oraı, «2016 jyl­dy TMD-daǵy bilim jyly dep jarııalaý», «Onkologııalyq aýrý­larǵa qarsy áreketter jasaý salasyndaǵy yntymaqtastyq tujy­rymdamasynyń jobasy týraly», «2020 jylǵa deıingi kezeńge ulttyq sport túrlerin qoldaý jáne damytý baǵdarlamasy men ony 2015-2017 jyldar aralyǵynda iske asyrý jospary», «Topogeodezııa salasyndaǵy yntymaqtastyq jó­nin­de kelisim men TMD-ǵa múshe mem­leketter qarýly kúshterin navı­gasııalyq qamtamasyz etý jobalary týraly», «Gýmanıtarlyq mınasyzdandyrý salasyndaǵy qarýly kúshterdiń ınjenerlik áskerdiń yn­tymaqtastyǵy týraly kelisim» jobalary qaralyp, maquldandy. «Egemen-aqparat».