Jiti respıratorlyq vırýsty ınfeksııany juqtyrǵandardyń 66,9 paıyzy balalar. Aýrýhanaǵa barlyǵy 286 naýqas jatqyzyldy, onyń ishinde 11-i júkti áıel, 89-y bir jasqa deıingi náreste.
«Epıdemıologııalyq maýsym bastalǵaly tumaýdyń 51 jaǵdaıy tirkeldi. Sonymen qatar qalada respıratorlyq sınsıtıaldy vırýs, adenovırýs, rınovırýs jáne koronavırýs sııaqty tumaýǵa jatpaıtyn basqa JRVI vırýstary anyqtaldy», dep habarlady vedomstvadan.
2021 jyly jergilikti ákimshiliktiń qarajatyna erekshe toptaǵy adamdardy tumaýǵa qarsy egýge 170 926 doza «Grıppol plıýs» vaksınasy satyp alyndy.
Eske salaıyq, 15 qyrkúıekte bastalǵan tumaýǵa qarsy vaksınany 184 myńnan astam adam alǵan. Onyń ishinde jekemenshik medısınalyq ortalyqtarda jumys berýshiler esebinen 10 260 adam, óz qarajaty esebinen 2 973 adam egildi.
