Aımaqtar • 13 Sáýir, 2022

Reseıden Qazaqstanǵa tasqyn sý kele jatyr

7059 ret kórsetildi

Sáýirdiń 12-si kúni elorda ýaqytymen 17:40-ta Reseı Federasııasy Orynbor oblysyna qarasty Tashlın aýdany Pýstobaev eldimekenindegi sý qoımasynyń 7-8 metrdeı bógeti buzylyp, tospa sý tómenge qaraı lap qoıdy degen sýyt habar keldi.

Málimetterge qaraǵanda bul qoımada 8 mln tekshemetr sý qory bar. Aqqan sý Eltyshevka ózenine quıylady. Eltyshevka aǵyp kelip Qazaqstan aýmaǵynan Jaıyq ózenine jalǵanady. Qaýipti aımaqta Batys Qazaqstan oblysy Báıterek aýdany Iаnvarsev aýyldyq okrýgine qarasty Shynar (Chınarev) aýyly tur.

Shynar aýylynda mektep pen medbeket, shekaralyq zastava jáne 82 turǵyn úı bar eken. 223 adam tirkelgen. Eldimekende 207 sıyr, 449 qoı-eshki, 2 at, 530 qaz-úırek esepke alynǵan.

Sýyt habar jetisimen batysqazaqstandyq tótenshe qyzmet ókilderi shuǵyl atqa qondy. 19 saǵat 27 mınýtta kúshter men quraldar aýylǵa jetti. Báıterek aýdandyq tótenshe jaǵdaılar jónindegi bólimi qyzmetkerleri Eltyshev ózeniniń sý deńgeıi baqylaýǵa aldy. Halyqty qulaqtandyrý, turǵyndardy evakýasııalaýǵa daıyndaý jumystary bastaldy. Aýyldy sý basqan jaǵdaıda halyqty kóshirip, kórshiles Iаnvarsev aýyldyq mádenıet úıine ornalastyrý josparlandy.

Keshki saǵat 21.50. shamasynda aýylǵa Batys Qazaqstan oblystyq Tótenshe jaǵdaılar departamentiniń bastyǵy polkovnık E.О́tegenov jetti. Jedel jeli uıymdastyrylyp, Orynbor oblysyndaǵy áriptestermen jedel aqparat almasý jolǵa qoıyldy.

Oqıǵa ornyna tótenshelikterdiń 14 tehnıkasy, 59 qyzmetkeri, jergilikti ákimdik organdarynan 45 adam, 10 tehnıka, oblystyq polısııa departamentinen 10 adam, úsh kóligimen, Ulttyq Qaýipsizdik Komıteti Shekara qyzmetine qarasty «Muqataı» shekara beketinen 5 adam, «Jaıyqmunaı» mekemesinen 1 adam, ınjenerlik qyzmet mekemesinen 2 ekskovator júrgizýshisimen, jol jáne kópir qurylysymen aınalysatyn «Oral joldary», «Startstroıservıs», «ShamShın» mekemelerinen birneshe arnaıy tehnıka jumyldyryldy. Ázirlengen arnaıy tehnıkanyń ishinde qaıyqtar, sý sorǵysh quraldar da bar.

a

Túngi saǵat 23.40. shamasynda reseılikter tarapynan sý qoımasynan aqqan sý qarqyny sál saıabyrsyǵany týraly habar jetken.

Shynarlyqtar bul túni kóz ilmedi. Aýylda tirkelgen 223 adamnyń 150-deıi ǵana bul jerde turaqty turady eken. 115 adam óz betinshe evakýasııalandy, týystaryna ornalastyryldy. 20 adam, onyń ishinde 4 bala qaýipsiz jerge, Iаnvarsev aýylyndaǵy evakobeketke jetkizildi. 10 qart adam jáne 2 bala qutqarýshylardyń «Kýng» kóliginde ýaqytsha bas saýǵalady. Aýylda turǵyndardan 4 er adam ǵana qaldy. «Sanjar» sharýa qojalyǵyna tıesili 250 bas mal qaýipsiz jerge aıdaldy. Aýylda sý kelýi yqtımal degen tustar, ózen jaǵalaýy qum salynǵan qaptarmen bekitildi. Aýyl ishinde uzyndyǵy 50 metr bóget nyǵaıtyldy. Tótenshelikterdiń kúshimen 235 metr jerge 1285 qap jáne 40 metr topyraq úıindisi tóseldi. Osy jumystarǵa 250 tonna ınertti materıal paıdalanyldy.

v

Tótenshelikterdiń baspasóz qyzmeti halyqqa jaǵdaıdy álsin-áli habarlap otyrdy. Sáýirdiń 13-i kúni túske taman ózen deńgeıi túse bastaǵany baıqaldy. 3 jerde baqylaý beketi ornalasyp, sýdyń aǵysyn tolyq qadaǵalaýǵa alyndy.

Sońǵy málimetterge qaraǵanda, Shynar aýylynyń halqy turǵyn úılerine qaıta bastaǵan. Iаnvarsev aýylyndaǵy mádenıet úıine qonyp shyqqan 20 adam da Jaıyqmunaı kompanııasynyń avtobýsymen keri oraldy.

va

 

Batys Qazaqstan

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar